SAM 72:7 - PATHIAN LEKHABU THIANGTHO (BSI)

⁷ Thapi a bei masia, ama damsung in dikna leh, chamna’n a gam lua dim hen.

SAM 72:7 ပူးပေါင်းရင်းမြစ်များ

1 LENGTE 4:25

Judah leh Israel chu Solomon dam sung sia’n, Dan ah kipat Beer-sheba tiang in bit tak in a um un; mi tin amau grep buk leh theipi kung nuaite chiat in a um un.

1 LENGTE 5:4

Tu’hin ahileh vang Lalpa ka Pathian in kiltin in muanna ei pia ta’n; kilanpi leh vangsiatna tung le a um diak pua’n.

SAM 92:12

Midikte chu tûm thing gual in, no let lut intiu in, Lebanon tâng ah sidar thing gual in, khang tul tul in au.

ISAI 2:4

Namtinte kikâl ah vaihawm intin, mi tam tak chung thu lêl piak in a; tichun, a chemjamteu chu, loukaina dingin sêk ta’n tiu in, a thalchangteu chule, theikung hâthianna dingin sêk ta’n au; nam khat in nam dang do-na dingin, a chemjam pan kit ta pua’n tin, kido dan le zil ta pua’n au.

ISAI 60:1

Hung kipan inla, hung vâk in; la vakna a hung tung ta’n, Lalpa lopina chun a hun salvâk ta’ngal a!

ISAI 60:22

A lak ua tawm pen chule, phungting hung suak intiu in, a neupente chule, nam hat tak hung suak ta’n au; Keima hi Lalpa chu ka hi; a hun chet chet in hun bawl ding ka hi’ngal a.

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

ZEKARIAH 9:10

Ephraim ah kipat kângtalai leh, Jerusalem ah kipat kido’na sakol chu hi’mang in a; kidona thalngul chu hi’bong in, namtin kichamna ding thu pia’n a; a lenggam chu tuisuagiat langkhat ah kipat, langkhat lam tiang hi’ntin; Lui lian ah kipat, lei mong langkhat lam tawp tiang huap in a.

MALAKI 4:2

Himaleh, nang uh ka min laute chung in vang dikna nisa tawh a thalîm ah sukdamna hung suak in a. Bawng In ah bawngno kichawm gual in kichawm dok ta’n lau.

LUKA 1:33

Jakob suante chung ah kumtuang in vaihawm intin, a gam in tawp ni nei ta pua’n a,” a tia.

LUKA 2:14

“Chungnung pen ah Pathian chu, lopi tak in um hen la, lei chung ah a doisak ma ma mihingte kiang hin, chamna um ta hen!” a tiu a.

NASEPTE 4:32

A gingte zosia chu lungthim leh ngaituana munkhat in a um un; a lak ua kuama’n a thil neiteu chu, kei â chuam ahi tilo in, a thil nei zosiau a kikop sek ui.