SAM 72:1 - PATHIAN LEKHABU THIANGTHO (BSI)

¹ Aw Pathian, lengpa chu la thudikna pia’n la, la dikna chu leng chapa kiang ah pia’n.

SAM 72:1 ပူးပေါင်းရင်းမြစ်များ

2 SAMUEL 23:3

Israelte Pathian in thu a gen in, Israelte suangpi chun ka kiang in thu a la gen a; mipite chung ah dik tak ah vaihawm, Pathian lau kawm ah vaihawmpa chu,

1 LENGTE 1:39

Thiampu Zadok in biakbûk ah kipat sathau bûk chu a hun ladok ah, Solomon chu a nu’ tai. Chuleh, pengkul a mût ua, “Lengpa Solomon dam sawt hen!” ti’n mipi zosia chu a kiko tau a.

1 LENGTE 3:9

Ziaziakchun, la suak hi la mipite chung ah a dik leh diklo ka khendan theina dingin, vaihawm thiamna ei pia’n. Achutiloleh, zia la mipi nasa tak hi kua’n vaihawm piak thei ding a hem?” a tia.

1 KHANGTHU 18:14

Tichun, David in Israelte zosia chung in vai a hawm tai; chuleh, a mipite zosia chung ah dik tak leh kibang tak in vai a hawm hi.

1 KHANGTHU 22:9

Ngai in, chapa hun nei ding la hi; ama chun kicham dial dial in vaihawm intin, kiltin ah kipat a mêlmate tawh kichamsak ding ka hi; a min chule Solomon hi’ntin, ama dam sung in Israelte lak ah gâlmuanna leh thamuanna hun pia ding ka hi.

1 KHANGTHU 29:19

Chun, ka chapa Solomon hi la thupiakte, la thil hiatsakte leh la dante zawm ah, zia gual ah chu um thei ding leh ka la kiguanggal dungzui ah zia In chu sa dingin, lungthim pha bukim putsak ta’n, ti’n a gen tai.

2 KHANGTHU 1:10

Zia la mipi zozai chung ah hin kua’n vaihawm thiam ding a hem? Zia mipite lakah ka lut ah ka pawttheina dingin pilna leh hiatthiamna ei pia’n,” ti’n a don a.

SAM 127:1

Lalpa‘n In a sak lo chun, a sate chu a gimthawn a hiu. Lalpa‘n khawpi a vên lo chun, a vêngte chu a hak thawn a hiu.

ISAI 11:2

Pilna leh hetthiamna Thagau, lemhetna leh hatna Thagau, hetna leh Lalpa launa Thagau, Lalpa Thagau ngei chun hun thuam ta’n tin,

JOHAN 3:34

Pathian sawl ahi ziakin Pathian thute chu a gen hi; Pathian in te’ chît chiat in Thagau chu a pia puai.