SAM 71:18 - PATHIAN LEKHABU THIANGTHO (BSI)

¹⁸ Aw Pathian, ka teksiat ah, ka samkâng hun tiang inle, la hatna thu hi khangthak, hung um nalai dingte zosia kiang ah, ka tâklat masangsia ei nusia kin.

SAM 71:18 ပူးပေါင်းရင်းမြစ်များ

THILSIAM THU 27:1

Chun, Isak chu a hung têk ta’n, khua muthei lo khop ah a mit a hung thim phat chun, a chapa upa zaw Esau chu a ko ah, a kiang in, “Ka chapa,” a tia; ama chun, “Zia’ hin ka um hi,” ti’n a dawnhu a.

SAM 22:31

mipi a piang nailote hukdawna ding, ama’n a la bawl zo tai, ti thu puangjak ta’n au.

SAM 48:14

zia hi I Pathian uh, kumtuang, kuamtuang ah I Pathian uh chu ahi. Ama kumtuang ah ei puipa ding chu ahi, ti la hilsawn theina ding un.

SAM 71:9

Ka têksiat nung inle ei paitha kin la; ka thakiak nung inle ei nusia diak kin.

SAM 78:4

Ziate chu a chateu lak in îm puai tiu in; khang hung um kit dingte kiang ah chun, Lalpa thilbawl lopi leh a hatna, a thilbawl mak takte chu gensawn zel hitiu.

SAM 78:6

khangthak hung um dingte’n hia’n tiu in, naupang hung piang nalai dingte chunle, amau chate chiat kiang ah hilsawn jel in au;

PAWTDAWNA THU 13:8

Zia ni chun la chateu kiang in, ‘Aigupta gam ah kipat ka hung pawt daw lai ua ei uh â ding ah Lalpa’n ei bawlpiakte ziakin zia thil hi bawl ahi,’ ti’n la hil sek diu ahi.

ISAI 46:4

la têk nung ua, la samkân tiang unle, hun som ding chu Keima hi ka hi. Ka siamsa la hiu ah, hun enkol zing ding ka hi’n, hun pua’ng ka tin, hun hukdam ding ka hi.

ISAI 51:9

Aw, Lalpa khutbân chu hung tho inla, hung thodok in, hatna’n hung kithuam ta’n! Nidang lai ah khangluite hun lai gual ah khan, hung thodok in! Nangma hilo maw Rahab a them them ah âttel ah, dragon sunlum kha?

ISAI 53:1

Ka thu gensawn uh kua’n a taksang awm? Chuleh, kuate kiang in Lalpa khutbân chu, tâklat in a um em?

NASEPTE 13:36

Ahi’n, David in Pathian lungtup dan tak ah ama khang sung ah na a sep nung in, a la ipmu ta’n, a pu leh pate kiang ah vui in a um ah, a muat mang tai;

1 SAMUEL 4:15

Zia hun ah chun Eli chu kum sawmkua leh giat ah upa ahi tâk ziakin, a mit le a thim ta’n, a muchian thei ta puai.

1 SAMUEL 4:18

Pathian thuthung thingkuang chungchâng a gen chu a het phat in, Eli chu kotkhak lam zuan ah a kichutna kipat thal pûk in, a têk tawh a tawi zo bêk ta pua, a ngawngpigu tatbong in a thi tai; Israelte chung ah kum sawmli vai a hawm hi.