SAM 70:4 - PATHIAN LEKHABU THIANGTHO (BSI)

⁴ A hun hawlte zosia chu nangma ah chun, lim in kipak tau hen. La hukdamna ngaina zosia chun, “Pathian chu a lopina e!” ti zing tau hen.

SAM 70:4 ပူးပေါင်းရင်းမြစ်များ

SAM 35:27

Ka dikna chung ah kipakte chu, lim leh kipak ah kiko in: “A suak vangphatna chung ah kipak sek Lalpa lopi chu, chawihoi in um hen!” ti zing tau hen.

SAM 40:16

Himaleh, nang hawl zosia chu, la chung ah lim leh kipak in um tau hen; la hukhinna ngaina taphot chun, “Lalpa chu a lopi na e!” ti’n gen zing tau hen.

SAM 5:11

Nang hun bêl zosia kipak uh hen la; kipak ziakin La sa zing tau hen. La vênbitna a chung un jak inla, la min ngaina zosiate chu, nangma ah lim tak in um tau hen.

SAM 97:12

Aw nanghaw midikte haw, Lalpa ah chun lim unla, a min thiangtho chu pâk tau in!

ISAI 61:10

Lalpa ah chun nasa tak ah kipak in, ka pumpi’n ka Pathian chawihoi ing ka; ama’n hukdamna puan in ei thuam in, dikna puan ei khû ta’n, pâkkhi vui ah mopa a kithuam gual leh, mo chu sana kijem gual in, ei jem ta’ngal a.

KÂ LATE 3:25

A ma ngâkte leh ama hawlte thagau â dingin, Lalpa chu a pha ma ma hi.

JOHAN 16:20

Titakzet in ka hil la hiu, nanghaw chu kap in, lusûn in um in lau; khawvel chu vang kipak in a; nang uh lungngai tak in um in lau; himaleh, la lungngainau chu kipakna hung chang in a.