SAM 7:9 - PATHIAN LEKHABU THIANGTHO (BSI)

⁹ Aw migilote thil bawlsiat chu hi’tawp inla, mi dikte vang phudet ta’n; Aw Pathian dik tak, lungthim leh ngaituanate enchianpa la hi’ngal a.

SAM 7:9 ပူးပေါင်းရင်းမြစ်များ

THILSIAM THU 20:5

A pawsal in ka kiang ah, ‘Ka suapinu ahi,’ a ti hilo a hem? Ama ngei inle, ‘Ama hi ka suapipa ahi,’ a ti’ngal a. Lungthim dik tak pu leh khut thiangtho tak in zia thil hi ka la hi ahi,” a ti’n.

1 LENGTE 8:32

van ah la ngaitha’n la, mawna nei chu thiamlo chansak ah, a umdan gual ah ama luchung ah chuksak ding leh, midik chu a diktat dungzui ah dit ah thiamchan dingin, la suakte chung ah thu tan in.

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

SAM 10:15

Mi nunsia leh thil phalo bawlte khutbân chu hibong inla; a gitlonau chu pakhat chale mu khial umlo dingin hawldok in.

SAM 10:18

nauchagate leh tawden ah umte â dingin, dik tak in bawl piak ding la hi’n; tichun, lei ah hin mite’n thil tizat um bawl ta pua’n au.

SAM 11:5

Lalpa‘n midik leh mi nunsia a patep ah, thagum sua nuam mi chu a hinna’n a hua ahi.

SAM 139:1

Aw Lalpa, nang in lei en suak kei ah, lei hechian tai.

SAM 17:3

Ka lungthim enchian in, jan in ei kantha’n, ei patep malechin, keima ah hin nunsiatna him mu pua’n la; ka kam inle a genkhial puai.

SAM 18:21

Lalpa lampite chu ka haw ta’n, ka Pathian ah kipat nunsia tak in ka pêtmang kha puai.

SAM 26:2

Aw Lalpa, ei enchian in la ei patep in; ka lungthim leh ka ngaituana enchian in.

SAM 35:23

Ka Pathian leh ka Lalpa, ei panpi dingin kipan inla, hung kichokphûl ta’n!

SAM 37:23

Lalpa jal in mihing in kãl a suan in, a lung lam ah kalsuante chu a hidet sek hi;

SAM 40:2

Manthaina kawkhûk, buanthuak lak ah pat in ei kaidok ta’n, ka keng suangpi chung ah nga’n, ka kalsuante a hi’det tai.

SAM 43:1

Aw Pathian, nangma ngaisaklote kâl in, vai ei hawm piak in, ka dikna thu hi ei panpi inla; mi thep mang leh diklote lak ah kipat ei hukdok ta’n!

SAM 44:21

Pathian in zia chu ei mudok lo ding a hem? Ama’n lungthim gûk zosia a hesuak ngal a.

SAM 58:6

Aw Pathian, a kam sung un a hateu chu hi’bal piak inla; Aw Lalpa, sakeibaknei vanglaite uiha chu kheldok ta’n!

SAM 9:9

Sukgenthei ah umte â dingin Lalpa chu kulpi ahi’n; lungjin lai ah kulpi ahi.

SAM 96:10

“Lalpa chu lal ahi! Leilung hile det tak in a phu in, kilîng ngai ngai pua’n a. Ama’n nam tin dik tak in vaihawm piak ding ahi,” ti nam tin lak in genjak un.

SAM 96:13

Lalpa ma ah chun; ama a hung ngal a, lei chung vaihawm dingin a hung ngal a. Ama’n khawvel hi dik tak in vaihawm piak intin, mi zosia a thu tak in vaihawm piak ding ahi.

SAM 98:9

khawvel vaihawm ding ah hung Lalpa ma ngei ah chun. Ama’n khawvel hi dik tak in vaihawm piak intin, doichuam neilo in nam zosia vaihawm piak ding ahi.

JEREMIAH 11:20

Himaleh, nangma Sepai honte Lalpa, dik tak ah vaihawm ah, mihing lungthim leh ngaituana pateppa, a chung ua phuba la lâkna chu ei musak in, la chung in ka um ding dan zosia ka nga ta’ngal a.

JEREMIAH 17:10

A umdan dungzui ua thuk ding leh, a nasep gau tawh kigûn ah pia ding in, keima Lalpa hin lungthim chu patep in, ka enchian zing ahi.

JEREMIAH 20:12

Aw, sepai honte Lalpa, nang in mi dikte chu la patep in, a lungthim leh ngaituanau la mu suak hi; a chung ua la phuba lâkna chu, ei musak in aw, ka chung thu hi ka hun kolsak ta’ngal a.

DANIAL 11:45

Tuisuagiat tawh, tâng thiangtho mêlpha tak kikâl in a lal In puanbûk jak ta’n a. Himaleh, a tawpna chu hung tung tho tho intin, kuama’n panpi pua’n au, a hun ti tai.

NASEPTE 12:23

Ziaphatchun, ama’n Pathian kiang ah lopina a piak lo ziakin, Lalpa vansawlchâk in phutlo in a gawt ah, gûlkût in a ne, a thi tai.

ROMTE 16:25

Tu’hin, ka chanchinpha gen leh, Jesu Khrista puanlat ah a umna dungzui leh, khang sawt tak puandaw lo ah a la um thugûk kilatdawna dungzui ah,

1 THESSALONITE 3:13

Chuleh, I Lalpa Jesu, a mithiangtho zosia tawh a hung phat leh, I Pathian leh I Pau ma ah thianthona lam ah demna bei ah la umtheina ding un, la lungthimteu hun hi’hat piak ta hen.

1 PETER 5:10

Chun, hepina zosia Pathian, a kumtuang lopina chang ding ah Khrista ah hun kopa ngei chun, sawt lo la thok zaw phat ua leh hun tungding in, hun hi’det in, hun hi’hat ding ahi.

JUDA 1:1

Juda, Jesu Khrista suak leh Jakob suapipa hin, ko ah um, Pa Pathian doitak leh Jesu Khrista vên bit ah umte kiang ah chun,

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.

1 SAMUEL 16:7

Himaleh, Samuel kiang ah Lalpa‘n, “A mêl latdan a hem leh a din sândan in en kin la, zia gual mi chu ka paithâk ahi, Lalpa chun mihingte et dan in a en puai; mihingte chun a paw lam mêl latdan a en sek un, Lalpa‘n vang lunggil lam a en sek hi,” a tia.

1 SAMUEL 2:9

A mi ginumte keng chu vêng tup intin, himaleh, mi nunsiate vang, thim lak ah paithâk in hung um in au; thagum hatna ziak mai in kuama’n, zaw’na a chang diak pawngâl ua.