SAM 69:29 - PATHIAN LEKHABU THIANGTHO (BSI)

²⁹ Ahi’n, kei chu mu’tawm leh beidong in ka um a; aw Pathian, la hukdamna chun ei vêng tup ta’n.

SAM 69:29 ပူးပေါင်းရင်းမြစ်များ

SAM 109:22

Keima genthei leh tasam, ka thinlung hi ka sung ah hiliam ahi tâk ziakin.

SAM 109:31

Tasamte panpi vak ding leh a thi’na ding ua, thiamlo chansakte khut ah kipat a hukdaw ziakin.

SAM 18:48

ei do-te lak ah kipat in ei hukdok ta’n; ahi, nang in ka mêlmate chung ah ei domkâng in, thagum suate lak ah kipat in lei hukhing tai.

SAM 20:1

Lungjin ni leh Lalpa‘n hun dawnhu ta hen! Jakob Pathian min in hun humbit ta hen!

SAM 40:17

Kei vang, genthei leh chaga ka hi, ahi’n, Lalpa‘n ei ngaitua piak zing hi. Nang chu ei panpipa leh ei hukdokpa la hi. Aw ka Pathian, hung muangchâng kin.

SAM 59:1

Aw ka Pathian, ka mêlmate lak ah kipat ei hukdok inla; ei do-te lak in ei humbit in.

SAM 70:5

Kei vang, genthei leh tasam ka hi; aw Pathian, ei hun nai kin in! Nang chu ei panpipa leh ei hukhingpa la hi; Aw Lalpa, hung muangchâng kin!

PAWTDAWNA THU 32:33

Himaleh, Lalpa chun Mosi kiang in, “Ka chung ah gilo taphot chu ama ngei chu ka lekhabu kipat in nuaimang ding ka hi.

JEREMIAH 17:13

Aw Lalpa, Israelte kinepna! Nang hun nusia zosia mualpho in au; nang hun nusia tapo chu, nuaimi lam ah tepte hita’n au; amau in hinna tuikhuk Lalpa chu, a nutsia tak ziak un.

MATTHAI 8:20

Jesu’n a kiang in, “Si-alte’n kua a nei un, chunglêng vachate’n le bu a nei ui. Mihing Chapa hin vang lu ngakna ding a nei puai,” a tia.

2 KORINTH 8:9

Lalpa Jesu hepina chu, a gentheina ziak ah la hung hausak theina ding un, hausa maleh nanghaw ziak ah a genthei law kha la he’nau.