SAM 69:27 - PATHIAN LEKHABU THIANGTHO (BSI)

²⁷ A gitlonau ah chun gitlona belap piak inla; nang ah kipat in ngaidamna mu kiu hen.

SAM 69:27 ပူးပေါင်းရင်းမြစ်များ

NEHEMIAH 4:5

A bawlkhialnau khû mang kin la, la mit mu in a gitlonau chu thaimang piak him him kin; kulbâng sate a maichang un a sumualpho tau in, ti’n ka pauchap tai.

JOB LEKHABU 19:22

Bang ding ah Pathian gual ah ei delzui nalai ah, ka taksa thokna hi lungkim zo nai lo la hiu em?

SAM 109:14

A pateu gitlona kha Lalpa âng ah het zing hi hen la, a nu gitlonale thaimang in um ki’hen.

SAM 24:5

Amau chun Lalpa ah kipat maljawlna dong intiu in, a hukhinnau Pathian ah kipat in panpi’na chang in au.

SAM 81:12

Tichun, a lungthim nop gual gual ua um dingin, ka thathawt ta ahi.

PAWTDAWNA THU 8:15

Ahi’n, Pharaoh chun a thawveng tai ti a het phat in a lungthim a hikhau kit ah; amau chu a limsak nuam diak puai: Lalpa’n a la gensa gual in.

PAWTDAWNA THU 8:32

Himaleh, Pharaoh in zia hun ah hinle a lungthim a hikhau ah, mipite chu a pawtsak nuam diak puai.

PAWTDAWNA THU 9:12

Himaleh, Lalpa’n Pharaoh lungthim chu a hikhau ah; tichun, amau thu chu a limsak nuam diak puai, Mosi kiang ah Lalpa’n a gensa gual ah khan.

ISAI 26:10

Mi nunsiate chu doisak hi maleu, felna a zil nuam diak puau in; dik tak ah chêngte gam ah hin, lepchia tak in a bawl sek un, Lalpa ja’umna chule a mu ngai puau hi.

ISAI 5:6

Tho hâ ta pua’ng ka tin, hâthiang talo ding ka hi’n, ling leh khauguite’n dêp ta’n a; a chung ah gua zuksak talo dingin, van sûmte thu pia ding ka hi.

ISAI 53:4

Ama chun I hiveisiau zosia leh, I natna zosiau a la paw ta’n; ahi’n la, ei hawn Pathian in a jep, a vok pâi ah thuak gual in I ngai un.

THIAMPUTE LEKHABU 26:39

La lak ua suakcha sunte chule nangmau gitlo ziak leh, la pu la pateu gitlona ziakin la mêlmateu gam ah chun lungthim chinchai bei in um in au.

MATTHAI 21:19

Lamgei ah chun theichang kung pakhat a mu’n, a vazuan ah, a dua longal bangma a mu puai. A kiang in, kumkhua’n a la ga nawt kin! a tia. Tichun, theichang kung chu a vuaitha ngal tai.

ROMTE 1:28

Chun, Pathian het a nop lo ziak un, thil mêlpha lo tak tak bawl ding ah a doi lo gual lungthim nei phal in, Pathian in a kihei mangsan tai.

ROMTE 9:18

Ziaziakchun, ja a ngaina ding chung ah chun ja a ngai ah, a nop nople a lung uh a hi’tâk piak sek hi.

ROMTE 9:31

Israelte dikna dan ah delte vang chun dikna dan chu ahi’bukim zo ta puau hi.

2 TIMOTHI 4:14

Sumsungpa Aleksander khan ei subuai ma ma ziang a; Lalpa‘n a thilhi dungzui in thuk in a.