SAM 69:20 - PATHIAN LEKHABU THIANGTHO (BSI)

²⁰ Mi ei gensiatna ziakin ka tha a sia’n, nasa tak in ka lungkham hi. Ei hepi ding ka hawl in, khat chale a um puai; ei thamuan ding ka hawl in, khat chale ka mu zo puai.

SAM 69:20 ပူးပေါင်းရင်းမြစ်များ

JOB LEKHABU 16:2

Zia gual thu chu ka la he tam ta ma ma hi; la bawn un ei sugenthei ding bep ah, thamuantu ngen la hiu hilam.

SAM 123:4

Mi nuamsate simmawna leh, mi kisatheite musitna’n ka hinnau a dim ta’i.

SAM 142:4

Ka changlam en inla, ngaitia: kuama ei limsak a um puau in; ka kisêlna dingle a um ta puai; kuama’n ei khawtua puau hi.

SAM 42:10

Ka taksa chung ah thi’na ding khop beliam um gual in, ei do-te chun ei hakva khum zing un: “La Pathian khoi ah um a hem?” ei tiu a.

SAM 42:6

Ka hinna ka sung in a bok zing in, Jordan leh Hermon gam ah kipat leh, Mizar tâng ah kipat in ka hezing la hi.

ISAI 63:5

Ka dâk vêl leh, kuama a panpi ding a um pua; ka bân ka jak ah, kuama a tuktâng ding a um pua, mak ka sa ma ma hi. Tichun, keima khutbân chun zaw’na ei pia ta’n, ka hachangthakna chun ei tutâng tai.

MATTHAI 26:56

Himaleh, Pathian lekha thu, jawlneite’n a gen haw kha a guitunna ding in zia thilte hi tung ahi, a tia. Nungzuite zosia khan a taisan ua, a jam mang tau hi.

MARKA 14:37

Chun, a hung ah, amau haw chu ipmu’n a hung mu ta’n, Peter kiang in, “Simon, ipmu la hi maw? Dakkâl khat sung ziang le hak zo lo la hi em?

MARKA 14:50

A leng un ama chu jamsan in, a tai mang tau hi.

JOHAN 12:27

Tu’hin vang ka lung a gim hi. Aleh, bang ka gen ta diam? He Pa, zia dakkal ah kipat hin ei hukdok in; himaleh, ziaziak tak ah hi tu’hun ah um ka hingal a.

JOHAN 16:32

A hun a hung tung tai, tu’ ma ma hin a hung tung tai, nangmau In lam chiat in ei nusia in la tiu in, keima ngen in ei nusia ding la hiu. Himaleh, kei ngen ka hi puai, Pa chun ei umpi zing hi.

HEBRAITE 11:36

Midangte chun soina leh vokna a tuak un, kolbunate leh suangkul tânnate le a tuak ui.