SAM 69:17 - PATHIAN LEKHABU THIANGTHO (BSI)

¹⁷ La suak hi ei kihei mangsan kin la, lungjing in ka um ah, ei dawnhu kin in.

SAM 69:17 ပူးပေါင်းရင်းမြစ်များ

JOB LEKHABU 7:21

Bang ding ah ka bawlkhialna ngaidam lo ah, ka khawlona le lamang lo la hem? Tu’hin vang lei lak ah ipmu ding ka hita’n, ei hawl in la tiu in la zia hin um ta pua’ng ka.

SAM 102:2

Ka lungngai nikhua hin la mai sêl mang kin. Ka lam ah la bil hun daw inla, ka hun ko tak leh ei hun dawnhu kawm ziang in.

SAM 13:1

Aw Lalpa, bang chan a hem? Kumtuang ah ei hemil ding la hi tam? Bang chan a hem kei ah kipat la mai la sêl mang ding?

SAM 143:7

Aw Lalpa, ei dawnhu kin in; ka thagau basam ding ahi tai. La mai ei sêl mangsan kin la, achutiloleh, mithi khua, lûtsukte gual mai in um kha’ng ka.

SAM 143:9

Aw Lalpa, ei do-te lak ah kipat ei hukdok inla; nangma ah kisêlgu dingin ka hun bêl hi.

SAM 22:24

Ama’n genthei thuakte chu a mu tawm puan, a ki’dak diak puai; a mai ei sêlgûksan diak pua’n, ama ka ko tak leh ei ngaitha sek ngal a.

SAM 27:9

Ka mu lo dingin la mêl sêlgu kin la, lungna’n la suak hi ei sawl mang ziang kin la; nang chu ei panpipa la la hi’ngal a. Ei panpi kin inla, ei nusia him him kin! Aw Pathian, ka kihukhinna la hi’ngal a.

SAM 40:13

Aw Lalpa, lungsiat in ei hukhing in! Aw Lalpa, ei panpi dingin kin-gang ta’n!

SAM 44:24

Bang ding ah la mai sêlmang la hem? Bang ding ah ka gentheinau leh, nuaisiana ka thok uh hi hemil la hem?

SAM 66:14

ka lungkham lai ah ka mûk in a la gen daw leh, ka kam in a la tiamsa ngei chu.

SAM 70:1

Aw Pathian, ei lungsiat inla, ei hukdok in. Aw Lalpa, ei panpi dingin kin-gang in!

KÂ LATE 3:22

Lalpa ngilnei hepina chun tawp ni a nei pua’n, a ja’ngaina chunle tawp hun a nei diak puai;

MATTHAI 26:38

Chuleh, a kiang un, ka lung a gim ma ma ziang hen, thina khop hial a hi; zia tak ah hin a la um unla, ei la vênpiu in, a tia.

MATTHAI 27:46

Dak thum ding vêl in, Jesu chu aw ngai tak in a hung kiko ah, “Eli, Eli, lama sabakhthani?” a hun tia. Zia chu, “Ka Pathian, ka Pathian, bangatia ei nusia la hem?” ti’na ahi.