SAM 68:2 - PATHIAN LEKHABU THIANGTHO (BSI)

² Meikhu mût mang ah a um gual in, amau chu mût mang in, khuailu mei in a haitui gual in, mi nunsiate chu Pathian ma’n mangthai tau hen.

SAM 68:2 ပူးပေါင်းရင်းမြစ်များ

2 SAMUEL 10:13

Tichun, Joab tawh a kiang ah um zosia chu Aramte do dingin a kuan un; chuleh, a naw jam tau hi.

2 SAMUEL 10:18

Israelte chun Aramte chu a del jak tau a; David in Aramte sakol kângtalai sepai hon za sagi tawh, sakol sepai sîng li a that ah; chuleh, a sepai hotu pen uh Shobakh chule a liam ah, zia mun chun a thi den tai.

SAM 22:14

Tui gual ah butthâk in ka um in, ka gu zosia le a kilawng zo tai; ka thinlung le khuailu gual in, ka awp sung hin a tui zo tai.

SAM 37:20

Mi nunsiate vang mangthai intiu in, Lalpa do-te chu gantatna mun ah, hampa seldawng gual mai hi’n au; meikhu gual in mangthai kawm ta’n au.

SAM 76:7

Nangma vang lau um tak la hi! La lungnatna a puansiat phat leh, kua a hem la âng ah ding ngam ding?

SAM 80:16

Mêlmate’n mei in a hâl un, a phûk tau hi; amau chu la mêl ah la vauna ziakin, hi’mangthai hitau hen.

SAM 97:5

Tângte chu Lalpa ma ah chun, khuainat gual in a tuitha zo tau in, khawvel zosia Lalpa ma ah chun.

ISAI 33:3

Kidona thawmgi ziakin, mipite a tai mang zo tau; la hung kipatdaw phat leh, namtin lau in a taichek zo tau hi.

ISAI 64:2

mei in munphi thing a kat kuang puat puat ah, tui a chiaksak bul bul gual ah, la ma-âng ah mualte a kithin theina ding un, vante botthêk in hung kum suk mai lechin aw!

ISAI 9:18

Mei in hampa leh ling a kât tum ah, gammâng nawngte a kât thian a, a meikhu van lam ah a kitun to gual in, nunsiatna chun mei gual in a kâng sek ngal a.

JEREMIAH 46:15

Bang ding ah la pathian uh Apis jamsia a hem? Bang ding ah la bawngchal pathian uh, pang zo talo a hem? Lalpa‘n a vok pâi ziak ahi.

HOSEA 13:3

Ziaziakchun, amau chu jingkal phâisûm a hem, jan dâichîm bei kit pai ziang sek gual a hem leh, phual ah busi hui in a mut mang gual leh, tukvan ah meikhu leng mang gual chu hi’n au.

MIKAH 1:4

Mei lak ah khuailu gual leh, kênliang ah tui kisungbua gual in, tângte chu a nuai ah tuitha zo in, phâiguamte chule puakkek ta’n a.

KISIMNA LEKHABU 10:35

Thuthung thingkuang chu a kipatdaw ding tak leh Mosi’n zia gual hin a gen sek a: “Aw Lalpa kipan in, la gâlte chu thejak in um uh hen la, la gâlte chu la âng ah jam mang tau hen,” ti in.