SAM 67:7 - PATHIAN LEKHABU THIANGTHO (BSI)

⁷ Pathian in ei maljawl zing hen la, kawlkil tiang ah mi zosia’n le ama ja tau hen.

SAM 67:7 ပူးပေါင်းရင်းမြစ်များ

SAM 22:27

Kawlkil tiang ah mite’n hezing in, Lalpa lam hun nga ta’n au; namtin ah kipat chitinte a ma’n kûn ta’n au.

SAM 29:11

Lalpa‘n a mite hâtna pia ta hen! Lalpa‘n a mite thamuanna’n maljawl ta hen!

SAM 33:8

Lei chung lua zosiate chun Lalpa lau uh hen la; khawvel ah um zosia’n ama tiza tau hen.

SAM 65:5

Aw ka hukdampa Pathian, tizat um tak ah thilbawl in gâl zaw’na’n lei dawnhu ta’n: nang chu kawl kîmvêl tiang ah mi zosia leh, tuisuagiat gamla pen tiang ah umte kinepna chu la hi.

SAM 72:17

A min chu kumtuang ah het zing in um hen la, nisa a um sungsia a minthanna chu um zing hen. Nam zosia ama ah chun maljawl in um uh hen la; nam zosia’n ama chu mi hampha hun tiu hen.

SAM 98:3

Israel Inkuante chung ah a ngilneina leh, a thutakna a hezing hi. Kawl kîmvêl tiang ah mi zosia’n le, I Pathian zaw’na a mu tau hi.

ISAI 30:23

Lei ah la thâichi tûte â dingin gua hun zuksak ta’n tin; chuleh, lei in ga a hun suadaw chu tam tak, tui tak takte ngen hung hita’n a. Zia ni phat chuleh, la ganchate hampa phatna gam lian leh kiningting tak ah chun ta hiat hiat ta’n au.

ISAI 43:6

mal gam kiang in, “Hun pedok un,” ti’ng ka tin; sim gam kiang inle, “Tuchak ta kiu in, gamla tak ah kipat in ka chapate chu hun pui unla, leimong lam ah kipat in, ka chanute hun pui khawm tau in,

ISAI 45:22

Nanghaw, kawlkil tiang ah umte haw, keima lam hun ngau inla, hukdam in um tau in! Keima bep hi Pathian ka hi’n, a dang a um puai.

ISAI 52:10

Nam tinte mit mu in Lalpa‘n, a khutbân thiangtho chu a lâmdok ta’n; tichun, kawl kîmvêl tiang ah mi zosia’n, I Pathian hukdamna chu hun mu ding a hiu.

THIAMPUTE LEKHABU 26:4

a hun tak in gawtui hun pia’ng ka tin, gam in a ga sua intin, lou ah thingte’n le a gau sua ding a hiu.

MIKAH 5:4

Lalpa hatna ziak leh Lalpa a Pathian min lopina ziakin, hung dingdok in, a gan-gualte chu vâk ta’n a. Amau chu bit tak ah chêng in, kawl kîmvêl tiang chan pha’n a lopi pen hita’n au.

ZEKARIAH 8:12

Chamna thâichi chu tu’ hi’n tin; grep gui in ga sua ta’n tin, lei inle ga hun sua ta’n ah, van dâichîm inle hun chap no kit ta’n tin; tichun, a um nalai sunte chun zia zosia chu lua ta’n au.

ZEKARIAH 9:10

Ephraim ah kipat kângtalai leh, Jerusalem ah kipat kido’na sakol chu hi’mang in a; kidona thalngul chu hi’bong in, namtin kichamna ding thu pia’n a; a lenggam chu tuisuagiat langkhat ah kipat, langkhat lam tiang hi’ntin; Lui lian ah kipat, lei mong langkhat lam tawp tiang huap in a.

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

MALAKI 4:2

Himaleh, nang uh ka min laute chung in vang dikna nisa tawh a thalîm ah sukdamna hung suak in a. Bawng In ah bawngno kichawm gual in kichawm dok ta’n lau.

NASEPTE 13:26

Suapite haw, Abraham suan um khawmte leh, la lak ua Pathian ki’cha takte haw, zia hukdamna thu chu ei haw kiang ah hun kisawl ahi tai.

NASEPTE 13:47

Lalpa‘n thu ei piak dan chu: ‘Jentelte salvâk dingin ka hun tundaw la hi, lei langkhat tawp chan ah hukdamna lampi taklang dingin,’ ei ti ka hiu,” a tiu a.

NASEPTE 2:28

Nang in hinna lampite chu lei kawkmu ta’n, nang in la mêl ah chun kipakna’n ei sudim ding la hi, ti’n a la gen hi.

GALATIA 3:14

Chutichun, Abraham chung ah maljawlna chu Khrista Jesu ziak ah Jentelte chung in a hung tung in, zia gual ah Thagau tiam chu ginna ziak ah I mutheina ding un.

GALATIA 3:9

Chutichun, ginna ah umte chu ginna nei Abraham tawh maljawl in a um khawm sek ui.

THUPUAN 15:4

Aw Lalpa, kua a hem nang lau lo ah, la min chawihoi lo ding um? Nang bep chu thiangtho la hi’n, nam zosia hung intiu in, la ma’n hung bokkhup ding a hiu, la dikna nasepte chu a kilat tâk ziakin,” ti in.