SAM 66:8 - PATHIAN LEKHABU THIANGTHO (BSI)

⁸ Aw nam zosiate haw, I Pathian uh pâk unla, ama pâkna gi chu hetsak un,

SAM 66:8 ပူးပေါင်းရင်းမြစ်များ

SAM 47:1

Aw mi zosiate haw, la khut uh bêng unla, limna La ngai tak in Pathian kiang in sau in.

SAM 66:2

a min lopina chu la’n sau in; lopi tak in choihoina piau in.

SAM 98:4

Leilung lua zosiate haw, Lalpa chawihoi in lim tak in kiko un; kikodok unla, lim tak ah La sa’n, a choihoina La sau in.

JEREMIAH 33:11

kipak limna aw gi leh, mopa aw leh monu aw leh, Lalpa In ah kipakna thilpiak lân ah Lâ sate chun: “Sepai honte Lalpa kiang ah kipak thu gen un, Lalpa chu a phatna ziak leh, a ngilneina’n kumtuang a dai ngâl a!” a ti’nau husate chu het in hung um kit ding ahi. Malai gual ah khan a vangphatnau chu, hun pia kit ding ka hi, Lalpa‘n a tii.

DAN LEKHABU 32:43

Aw vante haw leh, a mipite leh, pathian zosiate haw ama chu ho tau in! Ama’n a chate thisan phuba la ding leh, a mêlmate chung ah phuba la dingin, ama mudate dit kit in, gam chu a mite â ding ah, sukthiantho kit ding ahi ngâl a”.

THUPUAN 19:1

Ziazaw chun, mipi tam tak aw gi van ah kipat in ka he: “Halleluijah, hukdamnate, lopinate, choihoinate, leh thilhitheinate chu I Pathian â ahi.