SAM 61:4 - PATHIAN LEKHABU THIANGTHO (BSI)

⁴ La puanbûk ah chun kumkhua’n ei umsak inla, la thalîm nuai ah chun ei kisêl sak in. (Selah)

SAM 61:4 ပူးပေါင်းရင်းမြစ်များ

SAM 15:1

Aw Lalpa, la puan In ah kuaa hem chêng zing ding? La tâng thiangtho ah chun kua a hem chêng thei ding?

SAM 17:8

Mit naucha gual in ei vêngpha’n, la thalîm nuai ah ei sêlgu’n la,

SAM 23:6

Matheilo in phatna leh ngilneina’n, ka dam sungsia’n ei zui zing intin, tichun, Lalpa In ah kumkhua’n chêng zing ta’ng ka.

SAM 27:4

Lalpa kiang in thil pakhat ka don ah, zia bep chu hawl zing ing ka: Ka damsung sia Lalpa In ah um zing ah, Lalpa mêlphat zia mu ding leh, a tempul ah a thu dong ah um zing dingin.

SAM 57:1

Ei lungsiat inla, aw Pathian, ei lungsiat in; ka hinna’n nangma a hun bêl in, siatna huipi a kithial masia, la thalîm nuai hun bêl ing ka.

SAM 61:7

Pathian ma âng ah kumtuang in, lal in chu zing hen la; ama chingtup dingin, ngilneina leh thu tak guat piak in!

SAM 62:7

Pathian ah chun ka hukdamna leh ka lopina a um in; ka hâtna suangpi leh ka kisêlna chu Pathian ahi.

SAM 63:7

nangma ei panpipa la hi’ngal a, la thalîm nuai ah chun lim in La sa ding ka hi.

SAM 90:1

Lalpa, nang chu suan zosia tiang ah ka umnau la hi.

SAM 91:1

Nang Chungnung Penpa bitna mun ah chêng ah, Bangkim Hi’theipa lîm nuai ah um zingte chun,

SAM 91:4

a tha chun hun khû intin, a thalîm nuai ah chun bit tak in um in la tin; a ginumna chu phawlian leh phawneu ahi ngal a.

SAM 92:13

Amau chu Lalpa In ah kiphut a hiu in, I Pathian biak In huang sung ah chun, no let lut in au.

THUPILTE 18:10

Lalpa min hi kulpi det ahi hen, midik in zia chu a bêl in humbit in a um sek hi.

MATTHAI 23:37

Aw Jerusalem, Jerusalem, Jawlneite thattu leh la kiang ah hun kisawlte suang ah a la seplumte! Jawlneite a la that a! Âkpi’n a note a tha nuai ah a awp khum sek gual in bang vei jat ahi tam, ke’n le awp khum ding ka guat hi; himaleh, la nuam puau hi.

HEBRAITE 6:18

Pathian chu zuau gen ding gual a hilona chu, thil danglam theilo pani ziakin ei uh kihumbitna delte’n, I mau ah kinepna a koi chu chang ding ah tilkhona thupi tak I neitheina ding un.

THUPUAN 3:12

Kuale a zo tapo chu ka Pathian biak In ah khuam in pansak ing ka tin, zia kipat chun pawt kît ta pua’n tin; chuleh, a chung ah chun ka Pathian min leh, ka Pathian khawpi min Jerusalem thak, van ah Pathian kiang ah kipat hung kitâwl suk min leh keima min thak chu zik ding ka hi.

RUTH 2:12

La nasep ga chu Lalpa‘n hun dit hen la, a thalîm nuai la hun bêl Israel Pathian chun kipak man bukim hun pia ta hen,” a tia.