SAM 60:3 - PATHIAN LEKHABU THIANGTHO (BSI)

³ La mite hi thil haksa tak tak la thoksak ah, zukham gual ah ka zoithâkna ding un, dawn ding zu lei piai.

SAM 60:3 ပူးပေါင်းရင်းမြစ်များ

NEHEMIAH 9:32

Ziaziakchun, tu’hin ka Pathian uh, Pathian lopi leh Bangkim bawlthei, lau um, thuthung hezing ah, ja’ngaina ah dim chun, kei uh chung leh ka lengteu, ka pu leh pateu leh la mite zosia chung ah, Assuria lengte hun ah kipat tu’ni tiang ah haksatna ka tuakteu hi ngainêp ziang kin la;

SAM 71:20

Nangma’n, buaina leh lungjinna tam tak, ei la musak ma lechin ei suhal kit ding la hi’n; leinuai thûk tak ah kipat in ei puidok ding la hi.

SAM 75:8

Lalpa khut ah chun a lungnatna no a um in, a lungnatna uain pha tak ah chawhel zaw ahi; zia chu hun sungtha’n tin, khawvel ah mi nunsiate zosia’n chîpkang in au.

SAM 80:4

Aw Lalpa, sepai honte Pathian, bang chan a hem la mite pauchapna chung ah la lungnat ding?

SAM 80:8

Aigupta gam ah kipat in grepgui la hun ladok in; nam dangte deldok in, amau chu la phu ta’n.

SAM 85:5

Kumkhua ka chung ua lungna ding la hem? A khang a khang ah ka chung ua lungna ding la hem?

SAM 89:39

La suak kiang ah la thuthung la botsia ta’n; a lal lukhuk le leivui lak in la paitha tai.

ISAI 51:17

Aw Jerusalem, hung tho inla, hung kipan inla, hung dingdok tiam in; Lalpa khut ah a lungnatna no ah um chu, la dawn kham ta’n, kithinna no ah a tawnên tiang in, la chîp kang ta chulam.

ISAI 51:22

Chungnung Penpa Lalpa, la Pathian, a mipite sik leh jal gen piak sekpa chun, zia gual hin a gen hi: En un, kithinna no chu, la khut ah kipat in ka lamang tai; ka lungnatna no ah kipat in, dawn kit ta pua’n la.

JEREMIAH 25:15

Zia gual hin Lalpa, Israelte Pathian chun a gen ngal a: Ka khut ah kipat in zia ka lungnatna zuhâi hi la’n la, ka hun sawlna ding namte zosia chu dawnsak in.

KÂ LATE 4:21

Aw Edom chanute, Uz gam ah chêngte haw, lim in kipak tau in, siatna no chu nang kiang le, hung tung ding ahi ngal a; zia chu dawn kham in, la puan lîp piak hi’n la.

DANIAL 9:12

Chuleh, kei haw thiamlona leh ka chung ua vaihawmte thiamlo’na thu a la gen kha, ka chung ua siatna huaisia tak tunsak in, a thugente chu a sudet ta’n; Jerusalem chung ah siatna tung tawhbang hi van nuai pumpi kuama dang chung ah bawl khâk hi nai lo ahi.

HABAKKUK 2:16

Lopina sâng ah simmaw’na khuksak hi’n la. Nang inle dawn inla, kham ta’n! Lalpa khut changlam ah no chu, la kiang in hung kile’kit intin, lopina sâng in mualphona hung tung in a!

THUPUAN 16:19

Tichun, khawpi lopi chu mun thum in a hung kikhen ah, namte khawpi chu a chim tai; chun, Pathian in Babulon khawlopi tatdan chu a hezing ah, a lungnatna uain hai chu a butthâk khum ta ahi.

THUPUAN 18:16

Ziaphat chuleh, “Ahei! Ahei, khawpi lopi, puan malngat leh puan sandup leh puan sandâng sil ah, sana leh suang mantam leh, tuikep suang a kicheinu chu la chung a gik hi!