SAM 6:2 - PATHIAN LEKHABU THIANGTHO (BSI)

² Aw Lalpa, ka chung ah ja’ngai in, ka chautha ta’ngal ah; Aw Lalpa, ei hidam in, ka gu zosia lau in a kithing ta’ngal in.

SAM 6:2 ပူးပေါင်းရင်းမြစ်များ

THILSIAM THU 20:17

Chun, Pathian kiang in Abraham a pauchap ah: chuleh, Pathian in Abimelekh tawh, a ji tawh a suak nungakte chu a sudam kit ah, chate le a hun nei thei kit tau a.

JOB LEKHABU 19:21

Aw ka gualte haw, ei lainat unla, ei lainat un, Pathian khut in ei suliam ta’ngâl a!

JOB LEKHABU 5:18

Ama’n a suliam ah, a tuam kit ah; a vua hen, a khut ma ma’n a sudam kit sek hi.

SAM 22:14

Tui gual ah butthâk in ka um in, ka gu zosia le a kilawng zo tai; ka thinlung le khuailu gual in, ka awp sung hin a tui zo tai.

SAM 30:2

Aw Lalpa ka Pathian, lei panpi don in ka hun ko ah, nang in lei hi’dam tai.

SAM 31:10

Ka damsung hi lungngaina’n mang zo ding ka hita’n, ka kumte hi thûmna’n ka mang zo tai; ka vangsiatna ziakin ka tha a kia hen, ka gute le a ngâm zo tai.

SAM 32:3

Ka thip hiat hiat sung khan, nitum ah ka mauna lam in ka taksa hi a la chau zo ta’n.

SAM 38:2

La thalchangte chu ka taksa ah hin kâp lut a hita’n; ka chung in la khut la tha ta’ngal a.

SAM 38:3

La lungdamlona ziakin ka taksa ah hin dam lai ni him a um pua’n; ka gitlona ziakin ka gute hin, hisêl lai him a nei diak puai.

SAM 38:7

Ka kawngte hile a sa hut hut ah, ka sa chung ah hin damna him a um puai.

SAM 51:8

Limna leh kipakna ei hiatsak inla, ka gu la gawtnawite hi lim kit tau hen.

PAWTDAWNA THU 15:26

A kiang un, “Lalpa la Pathian aw chu chingthei tak ah la ngai ua, a mit mu ah thil dik chu la bawl ua, a thupiakte la ngaisak ua, a dante la zop ua ahileh, Aigupta mite chung ah a tunsak hiveite haw hi khat chale la chung un hun tunsak lo ding ka hi: keima hi Lalpa, nanghaw hi’dampa chu ka hi’ngal in,” a tia.

JEREMIAH 10:24

Aw Lalpa, ei sudik inla, ka kiphutawk un ei soisa’n; lungna’n vang ei soisa kin, achutiloleh, bangmalo ei sua ding la hi.

JEREMIAH 17:14

Aw Lalpa, ei hi’dam in, chutileh, dam thiang ding ka hi; ei hukdam in, chutileh, hukdam hita’ng ka; ka pâkchat chu nang la hi’ngâl a.

HOSEA 6:1

“Hung un, Lalpa kiang lam ah kile’kit hitiu; ei puaitel chu ama ahiziak in, ama’n ei hi’dam ding ahi, ei vaw liam maleh ei tuam piak ding ahi.

KISIMNA LEKHABU 12:13

Tichun, Mosi chun Lalpa a ko ta’n, “Aw Pathian, lungsiat tak in ama hi hi’dam in,” a tia.

MATTHAI 4:24

Suria gam zosia’n a chanchin a thang suak ta’n; tichun, damlo zosia, hivei nei leh natna tincheng thuakte, thithabuak matte, hipût neite leh zengte haw chu a kiang in a hun pui ua; a la hi’dam suak tai.

DAN LEKHABU 32:39

Keima, kei bep hi ka hi’n, pathian dang a um puai, ti he tau in. Ka that ah, ka hinsak ah; ka hi’liam ah, ka hi’dam sek; ka khut ah kipat in kuama’n a ladok thei puau hi.