SAM 5:7 - PATHIAN LEKHABU THIANGTHO (BSI)

⁷ Kei vang la ngilneina nasa tak ziakin, la In ah hung lut ing ka tin; nangma ja na’n, la tempul thiangtho lam nga’n bokkhup ing ka.

SAM 5:7 ပူးပေါင်းရင်းမြစ်များ

1 LENGTE 8:35

La chung ah a gitlo ziak ua van a kikhâk ah, gua a zuk lo phat leh, zia mun lam hi nga’ a pauchap ua, la min a suau ah, amau la gawt genthei ziak ah a gitlonau ah kipat a kihei kit phat ua leh,

1 LENGTE 8:38

mimal kua tawhbang hi’n, la mipi Israelte zosia hitaleule, mi tin amau lungthim chiat ah thokna ziak ah a khutteu zia In lam ah a hun jak ua, a dot ua leh, a pauchapnau bang hiziang lehle;

SAM 101:7

Mi thep mang taphot chu ka In sung a, chêngden pua’n tiu in; zuau gen hât taphot chu ka mit mu ah hi’det in um pua’n au.

SAM 130:4

Himaleh, la kiang ah ngaidamna a um hi, ja um tak ah la umtheina dingin.

SAM 132:7

“Ama chênna mun ah lût hitiu in, a kengbul ah chibai bûk hitiu”.

SAM 138:2

la tempul thiangtho lam nga’n, chibai hun bûk ing ka tin; la ngilneina leh la thutak ziakin, la min pâk ing ka; nang in la min leh la thu chu, thil zosia chung in la chawisâng ta’ngal a.

SAM 28:2

Ka khutte la mun thiangtho pen lam ah hun jak ah, la panpi’na ngai ah ka hung pauchap phat leh, ka dotna ei la ngaithâk piak ta’n.

SAM 34:17

Mi dikte’n panpi’na a dot si’n uh leh, Lalpa‘n a la hia’n, a lungdonnau zosia ah kipat in a hukdok sek hi.

SAM 51:1

Aw Pathian, la ngilneina dungzui in, ka chung ah ja’ngai inla, la lainatna dungzui in ka hi’khelna thaimang ta’n.

SAM 52:8

Kei vang Pathian In ah Oliv thing no dip dep gual ka hi. Pathian ngilneina chu kumtuang, kumtuang in ka muang hi.

SAM 55:16

Ke’n vang Pathian ka ko ah, Lalpa‘n ei hukdok ding ahi.

SAM 69:13

Aw Lalpa, kei vang la kiang ah pauchap zing ing ka. Aw Pathian, hun kipak um sung ah hin, la ja’ngaina ziakin ei dawnhu ta’n.

SAM 69:16

Aw Lalpa, la ngilneina a phat ziakin, ei dawnhu in; la lainatna hau dungzui in ka lam hun nga’n.

THUPILTE 6:16

Lalpa huat lam thil paguk a um in, a ki’dak lam tak thil pasagi a um hi:

THUPILTE 6:17

Mittêt chapote, lei zuauthei te leh mawna neilote thisan sua’na khutte;

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

ISAI 64:11

Ka In thiangtho leh hoi tak uh, ka pu leh pateu in nang a hun choihoina mun uh chu, mei ah hâl tum in a um ta’n; chuleh, ka mun nuam zosiau chule hisiat zaw ahi tai.

DANIAL 6:10

Lekha kizik chu lengpa’n lem a sakpi’na’n a min a zik tai ti Danial in he maleh, a In ah chia to kit in, a Insawng chung lam ah tukvan Jerusalem lam nga’ hong in, a bawl ngai gual in, ni khat ah thumvei khiangkho ah Pathian kiang ah pauchap in, a min chu a pâk zing sek a.

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

NASEPTE 9:31

Zia hun sung ah chun, kochuamte chu Judea, Galili, Samaria gam ah chun muang tak ah um in a det tau hi. Lalpa lau kawm in Thagau Thiangtho thamuan in a um un, a pung deu deu tau hi.

HEBRAITE 4:16

Ziaziakchun, hepina chu I chan theina ding uh leh panpi I ngai hun ua panpina chu dong ah, lungsiatna I mutheina ding un, jangaina lalchutpha chu hangsan tak in nai hitiu.

JOSHUA 24:15

Tu’hin Lalpa nasep ding chu nuam lo la hiu leh, tu’ni ma ma hin kua pen na sêm ding la hiu em, la pu leh pateu in Luipi gâl lam ah pathiante na a la sep piak uh kha ahi em; ahiloleh, la luanau gam ah Amorte pathiante a hizaw diam, ti têl ngâl un. Kei leh ka Inkuante’n vang Lalpa na bep sêm ing kau, ti’n a dawnhu a.