SAM 42:2 - PATHIAN LEKHABU THIANGTHO (BSI)

² Ka hinna Pathian thangai in, Pathian hing ngai in a dangchâk hi. Bangtik leh Pathian kiang tung in, a mêl ka mu diam maw?

SAM 42:2 ပူးပေါင်းရင်းမြစ်များ

JOB LEKHABU 23:3

A chênna mun tiang ah ka vachia theina dingin, a umna mun chu khoi tak a hem ti he ta ve leng aw!

SAM 27:4

Lalpa kiang in thil pakhat ka don ah, zia bep chu hawl zing ing ka: Ka damsung sia Lalpa In ah um zing ah, Lalpa mêlphat zia mu ding leh, a tempul ah a thu dong ah um zing dingin.

SAM 43:4

Tichun, Pathian mâichâm ah chia ing ka tin, ka limna pen Pathian kiang ah chun. Aw Pathian, ka Pathian, tingtang in hun chawihoi ing ka.

SAM 63:1

Aw Pathian, nang chu ka Pathian la hi’n; hun hawl ing ka, ka hinna hi nangma thangai in a dangchâk a; tui umlo’na gamkeu leh dangkeuna mun ah hin, ka taksa hin a hun thangai tun tun ahi.

SAM 63:3

La jaidaw thei dan hi, hinna sâng ah a phat zawk ziakin, ka mûk in hun pâk ding ahi.

SAM 84:10

La biak In huang sung ah ni khat mai um hile, mundang ah ni sang khat um sâng in a pha zawi. Nunsiatna puanbûkte ah chênden sâng in, ka Pathian biak In kotkhak ngâk ah, panle ka nuam zawi.

SAM 84:2

Ka hinna’n Lalpa biak In huang sung chu a ngaina hen, a chau pha hial tai; ka thinlung leh ka phe hi, Pathian hing kiang ah chun kipak in a kikodok tai.

SAM 84:4

La In ah nangma pâkna La sa zing ding ah umte chu, mi nuamsa a hiu.

SAM 84:7

Hatna kipat hat zawk diakna’n a chia sek un; pathiante Pathian chu Zion ah chun mu hi’n a.

PAWTDAWNA THU 23:17

Lalpa Pathian âng ah la lak ua pawsal zosia kum khat sung in thumvei a kilâk tei tei diu ahi.

ISAI 26:8

Aw Lalpa, la vaihawmna lampi chun, nangma chan bep ka la ngâk ui; la min leh la minthanna chu ka thangai pen uh ahi.

JEREMIAH 10:10

Himaleh, Lalpa chu Pathian tak ahi, Ama chu Pathian hing leh kumtuang Lal ahi. A lungnat phat leh lei pumpi a kithing in, a lungnatna chu kuama’n a thuak zo ngai puau hi.

JEREMIAH 2:13

Ka mite’n thil pani a hi’khial ta’ngâl un: Tuinâk hing keima ei nusia in, tui um thei lona bêlsia gual, tui bêlte a kisiam ui.

DANIAL 6:26

Thupiak ka bawl tai: Ka lenggam ah mi zosia’n Danial Pathian chu lau in, kithing tau hen: Ama chu Pathian hing, kumtuang dai ahi ngal a. A lenggam suksiat ni um pua’n tin, a lalna’n tawp a nei puai.

JOHAN 5:26

Pa chun ama ah chun hinna a nei hi; zia gual ma chun Chapa’nle hinna nei dingin a pia’i;

JOHAN 7:37

Kût pel ding ni, nipi pen ni chun, Jesu chu ding in, a kiko ta’n: Dangchâk taphot chu ka kiang ah hung hen la,

1 THESSALONITE 1:9

Amau ngei in, nanghaw’n lei la lop dan uh, milimte ah kipat Pathian lam ah, Pathian hing leh dik tak nasêm ding ah la kihei dan uh chu a gen tau hi.

JOSHUA 3:10

Joshua chun, “Zia gual ah hin Pathian hing chu la lak ua um ngei a hinai ti hethei in lau; matheilo in la masang un Kanaan mite, Hit mite, Hiv mite, Periz mite, Girgash mite, Amor mite leh Jebus mite chu nawdaw piak intin;

THUPUAN 22:1

Vansawlchâk chun, Pathian leh Belamno lalchutpha kipat luangdok hinna lui tui thiang tak, krustal suang gual ah thiang chu ei etsak a.