SAM 4:7 - PATHIAN LEKHABU THIANGTHO (BSI)

⁷ A buu leh a uain uh a pun phât leh, a kipaknau sâng ah kipakna nasa zaw, ka thinlung hin la koi hi.

SAM 4:7 ပူးပေါင်းရင်းမြစ်များ

SAM 31:17

Aw Lalpa, ei mualphosak kin la, ka hun ko ngal ah; mi nunsiate hi mualphosak inla, pau maw hial in Sheol lam zot sak ta’n.

SAM 37:4

Lalpa ah chun kipak inla, tichun, la lungthim duthusamte chu hun pia’n a.

SAM 43:4

Tichun, Pathian mâichâm ah chia ing ka tin, ka limna pen Pathian kiang ah chun. Aw Pathian, ka Pathian, tingtang in hun chawihoi ing ka.

SAM 67:2

la lampi chu lei chung zosia het hi hen la, la hukdamna thilhitheina chule, namtin lak ah het a hi’theina dingin.

SAM 80:4

Aw Lalpa, sepai honte Pathian, bang chan a hem la mite pauchapna chung ah la lungnat ding?

SAM 92:4

Aw Lalpa, nang in la thilbawl in lei kipaksak in; la khut thilbawlte ziak ah lim in, La sa ding ka hi.

SOLOMON LÂ 1:4

Ei pui in, kin tak in chia hitiu! Lengpa’n a pindan ah ei pui lût tai. Nangma ah chun lim ing kau; la hepina chu uain sâng in ka limpi zaw; a hun hepi takzet uh ahi.

ISAI 9:3

Nam chu la supungta’n, a limnau la sukpun piak tai; bu lâk hun ah a nopsak gual leh, gâl lâk a kihop lai ua a kipak lai gual un, la ma-âng ah lim in a um ui.

JEREMIAH 48:33

Moab gam phatna kipat in, thatnopna leh kipakna lâkmang in a um ta’n; grep tui sûkna khûk ah kipat in, grep tui a kang ta’n; kuama’n kipak kawm in, grep ga chu a chil ta puau a; husa chu kipakna husa a hita puai.

KISIMNA LEKHABU 6:25

Lalpa‘n a mêlvâk hun latsak zing in, la chung ah ja’ngai hen:

NASEPTE 14:17

tu’hin vang chu, ama chu a hetpi umlo in a kikoi ngai ta pua’n; thilpha a bawl zing in, van ah kipat gawtui leh a hun tin ah ga te, nêk leh châk leh kipakna’n I lungthimteu a hi’dim hi,” a tiu a.

1 PETER 1:8

Ama chu mu lo maleu chun la hepiu a. Tu’hin mu lo maleu chun la ging ua, kipakna gen theilo khop ah lopi’n la kipak uh ahi.

VAIHAWMTE 9:27

Lou ah kuandok in, grep ga alo ua, a chil ua, nunnop a bawl tau a. Chuleh, a pathian ho’nau ah chia in, a neu ah, a dawn ua, Abimelekh chu a gensia tau a.