SAM 4:1 - PATHIAN LEKHABU THIANGTHO (BSI)

¹ Aw, ka dikna Pathian, ka hun ko phat leh ei dawnhu in! Ka lungdon phat cheng leh lei panpi sek ngal a. Ka chung ah ja’ngai inla, ka pauchapna ngaitha’n.

SAM 4:1 ပူးပေါင်းရင်းမြစ်များ

JOB LEKHABU 36:16

Buaina lak ah kipat mun thawveng, khumbil umlona mun ah chun, a jawl daw la hi; la an nêkna dawkan ah chun, sathau ah dim lui piak in um ding la hi.

SAM 11:7

Lalpa chu a dik ngal ah; dik tak ah nasep dawte a ngaina’n, mi diktatte’n a mêl mu ding a hiu.

SAM 116:16

Aw Lalpa, la suak ka hi; nangma suak, la suaknu chapa ngei chu ka hi. Ka kolbu lei thap piak tai.

SAM 116:6

Lalpa‘n mimawlte a humbit sek a; tawden ah ka um phat leh ei hukdok sek hi.

SAM 119:132

La min thangaite la hepi sek gual ah khan, ka lam hun nga’n la, ei lungsiat in.

SAM 143:2

La suak chung thu vaihawm nai kin la, la mit mu ah hin mihing thiamchang ding, a um paw’ngal un.

SAM 17:6

Aw Pathian, ka hun ko hi, nang in ei dawnhu ding la hiziak in; ka lam ah la nakhang daw inla, ka thugen a la ngai in.

SAM 22:1

Ka Pathian, ka Pathian, bang ding ah ei nusia la hem? Bang ding ah ei panpi ding leh, ka thûmna thute he ding ah ei gamlat la hem?

SAM 24:5

Amau chun Lalpa ah kipat maljawlna dong intiu in, a hukhinnau Pathian ah kipat in panpi’na chang in au.

SAM 25:16

Ka lam hun nga’n la, ka chung ah ja’ngai in; thawmhau leh gawt ah um ka hi.

SAM 31:8

Chuleh, ei do-te khut in ei pedok kin la; ka keng hi mun awngthawl tak ah la lângkâi zaw tai.

SAM 41:12

Ka lungthim thiantho ziakin lei tuzing ah, kumtuang ah la kiang ah um dingin lei koi ta ahi.

SAM 42:1

Sakhichal luicha tuiluang ducha, a hat dûp dûp gual in, aw Pathian, ka hinna hi, nangma thangai in a ha dûp dûp hi.

SAM 45:1

Ka thinlung hi pau mêlpha’na dimlêt hen; lengpa chu la’n ka chawi ta’n; ka lei hi lekhazik thiam tak kawlom gual ahi.

SAM 56:1

Aw Pathian, mihingte’n tawden ei guat tâk ziak un, ka chung ah ja’ngai in; nitum in mêlmate’n ei engbawl zing un;

SAM 57:1

Ei lungsiat inla, aw Pathian, ei lungsiat in; ka hinna’n nangma a hun bêl in, siatna huipi a kithial masia, la thalîm nuai hun bêl ing ka.

SAM 6:1

Aw Lalpa, lungna’n ei vau kin la, la thangtawmna’n ei thunun diak kin.

SAM 67:1

Pathian in ei hepi hen la, ei maljawl ta hen; a mêl chu I chung un vâk hen; (Selah)

SAM 76:1

Judah gam ah Pathian het in a um in; Israel gam ah a min choihoi in a um hi.

ISAI 45:24

Lalpa bep ah chun dikna leh hatna a um hi, ei hun ti ta’n tiu in; Keima do ding ah hil ah umte chu vang, ka kiang lam ah hung in, mualpho ta’n au.

JEREMIAH 23:6

Ama hun sung in Judai gam sung chu hukdaw ah um in, Israel gam chu bit tak in um in a. Chuleh, ama chu, “Lalpa chu I Diknau ahi,” ti’n ko hita’n ah, ti in.

HABAKKUK 3:19

Pathian, Lalpa chu ka hatna ahi; ama’n ka kengte hi sazuk keng gual in a siam ah, tângsâng tak ah chia thei dingin ei siam hi. La pu lian ding ah tingtang tawh sak ding.

1 KORINTH 1:30

Nanghaw vang ama ziakin Khrista Jesu ah chun la um un; ama chu Pathian kiang ah kipat ei uh â ding ah pilna, dikna, sukthianthona leh tatna ah siam ahi.

2 KORINTH 1:10

Ama’n zia gual thi lau umna lak ah kipat chun ei hukdok ta’n, ei hukdok zing in, ei hukdok kit jel in ah ti, ama chung ah kinepna ka nei uh ahi.

2 KORINTH 1:8

Suapite haw, Asia ka tun ua ka thokgimnau kha la het uh ka dawi ui, ha’tak ah, thok zaw gual lo ah, hinle kinem lo khop ah ka thok uh kha.

1 SAMUEL 17:37

Chuleh, David in, “Sakeibaknei leh savom khut ah kipat ei la hukdokpa Lalpa chun, zia Philistin mipa khut ah kipat hinle ei hukdok ding ahi,” a ti nalai a. Tichun, Saul in David kiang in, “Chia in, Lalpa‘n hun umpi zing ta hen!” a ti tai.