SAM 38:2 - PATHIAN LEKHABU THIANGTHO (BSI)

² La thalchangte chu ka taksa ah hin kâp lut a hita’n; ka chung in la khut la tha ta’ngal a.

SAM 38:2 ပူးပေါင်းရင်းမြစ်များ

JOB LEKHABU 6:4

Hat Chungnung Pathian thalchangte chun, ei kâplet un; ka thagau in a thi’na gûte chu a dawn in, Pathian tizat umnate chu, ei do dingin a kitiang suak tau hi.

SAM 21:12

La thalpi a maichangteu la ngîm ziakin, amau chu jamsiatsak ding la hi’ngal a.

SAM 32:4

A sûn a jan in la khut ka chung ah la nga sek ngal a; khâl nipi’n thil a hi’danglam gual in, ka tha hile a ke hia’i huai ziang tai. (Selah)

SAM 6:2

Aw Lalpa, ka chung ah ja’ngai in, ka chautha ta’ngal ah; Aw Lalpa, ei hidam in, ka gu zosia lau in a kithing ta’ngal in.

SAM 64:7

Himaleh, Pathian in a thalchang in, amau hun kâp intin; thakhat in liam ta’n au.

KÂ LATE 3:12

a thalpi a lawi ah a thalchang â dingin, kungmui in ei siam hi;

DAN LEKHABU 2:15

A dik tak in, Lalpa‘n amau haw a sukmanthai suak masia, a khut chu amau do in a lek zing a.

RUTH 1:13

amau pitin tiang chu ngâk zo ding ah kigingcha la hiu ah a hem? A mau chu ngâk ah pawsal dang neilo ah um thei ding la hiu ah a hem? Ahi puai, ka chanute, nang uh â ding ka gêl leh ka lung ngaina a nazaw bep hi, Lalpa khut thuak ka hi’ngal in,” a tia.

1 SAMUEL 5:11

Ziaziakchun, Philistin hotute chu a ko khawm tau a, a kiang un, “Israelte Pathian thuthung thingkuang hi a umna mun ngaiah vathak kit mai un, kei haw leh ka mipiteu ka thigamlona ding un,” a tiu a. A khawpi sung zosiau ah thi ding lau ah patauna a huaisia ma ma ah;

1 SAMUEL 5:6

Ashdod khua mite chu Lalpa‘n a soisa’n, Ashdod khua leh a gam bung zosia ah mite chu sudipchâk in, vunnatna huaisia tak in a gawt tai.

1 SAMUEL 6:9

Chuleh, en zui un; Beth-shemesh lam a zot chun a gam lam uh zuan hi ding a hiu; ziaphat chuleh, zia gual ah natna hun tut hi ama ziak ahi ti kichian ta’nah; achutiloleh vang, ei gawt hi ama khut hilo ahi ti hetthei hin tin, a tung ding mawng ahi ti kihechian ta’nah,” ti in.