SAM 27:9 - PATHIAN LEKHABU THIANGTHO (BSI)

⁹ Ka mu lo dingin la mêl sêlgu kin la, lungna’n la suak hi ei sawl mang ziang kin la; nang chu ei panpipa la la hi’ngal a. Ei panpi kin inla, ei nusia him him kin! Aw Pathian, ka kihukhinna la hi’ngal a.

SAM 27:9 ပူးပေါင်းရင်းမြစ်များ

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

SAM 102:2

Ka lungngai nikhua hin la mai sêl mang kin. Ka lam ah la bil hun daw inla, ka hun ko tak leh ei hun dawnhu kawm ziang in.

SAM 102:3

Ka damsung hi meikhu gual in a jam mang in, ka gute hi tummeipi gual in a kuang ta’i.

SAM 119:121

A dik leh a pha bep ka bawl in, ei tawdente khut in ei nusia kin.

SAM 13:1

Aw Lalpa, bang chan a hem? Kumtuang ah ei hemil ding la hi tam? Bang chan a hem kei ah kipat la mai la sêl mang ding?

SAM 143:7

Aw Lalpa, ei dawnhu kin in; ka thagau basam ding ahi tai. La mai ei sêl mangsan kin la, achutiloleh, mithi khua, lûtsukte gual mai in um kha’ng ka.

SAM 24:5

Amau chun Lalpa ah kipat maljawlna dong intiu in, a hukhinnau Pathian ah kipat in panpi’na chang in au.

SAM 44:24

Bang ding ah la mai sêlmang la hem? Bang ding ah ka gentheinau leh, nuaisiana ka thok uh hi hemil la hem?

SAM 51:11

La kiang ah kipat ei paidok kin la, la thagau thiangtho hi ei lâkpiak kin.

SAM 69:17

La suak hi ei kihei mangsan kin la, lungjing in ka um ah, ei dawnhu kin in.

SAM 69:18

Ei hun nai in, ei hukdok in; ka mêlmate lak ah kipat hin ei thâdok ta’n.

SAM 88:1

Aw Lalpa, ei hukhingpa Pathian, jan si’n leh la ma’n ka hun ko sek a,

ISAI 50:1

Lalpa‘n zia gual hin a gen a: La nuu ka la nolna lekha khoi ah a um em? Kua kiang ah ka bat ditna ding ah ka piak a hem? Ahipuai, la gitlona ziak un kizuak mang la hiu a, la thil bawlkhialnateu ziak ah la nuu chu, naw mang a la hi tai.

ISAI 59:2

La khawlonau chu Pathian tawh la kikâl ua, daidanna’n a hung pang zaw ta’n, a mêl a lia tâk ziakin a hethei talo a hizawi.

JEREMIAH 32:40

Amau â ding ah thilpha bawl ding thul lo ah ka bawl piak zing theina dingin, a kiang un kumkhaw thuthung siam ding ka hi; keima ei nutsia kit lona ding un, a lungthim un kilausak ding ka hi tai.

HEBRAITE 13:5

La hindan uh chu ênna panglo hihen; la nei dan dan un lungawi unla; ama chun, “Hun thâtham pua’ng ka tin, hun nusia ngai pua’ng ka,” a tingal a.

1 SAMUEL 7:12

Chuleh, Samuel in Mizpah tawh Jeshanah kikâl ah chun suang pakhat a phu ah, a min in Ebenezer a sak tai; ama’n, “Zia chan hin Lalpa‘n ei panpi ahi,” a ti ziak a hi.