David hun lai ah chun kum thum sung a kizom in kial a hung tung ta’n; tichun, David in Lalpa a dong a. Lalpa‘n a kiang in, “Saul in Gibeon mite a thalup ziakin, ama leh a Inkuante’n thisan maw a puau hi,” ti’n a hun dawnhu a.
Aw Pathian, nang, ei hukhingpa, ka Pathian, thisan sua’na lak ah kipat, ei hukhing inla; chutichun, ka lei hin lei hukdawna thu, ngai tak in la’n sa’n a.
Himaleh, aw Pathian, nang in amau chu manthaina kawkhûk ah, pai lut in la tin; thisan sua mang leh thep mang mite chu, a dam sung ding uh kimkhat le dam zo pua’n au. Ke’n vang nang bep muang zing ing ka.
Zia tak chuleh amau chun, Lalpa, khoi tak ah gilkial leh dangchâk in a hem, malzin ah leh ngawnchang in a hem, damlo leh suangkul ah le ka hun muu ah, ngaisak lo ah ka um uh? ti’n tiu in.
Nangma thalup gua’n hun del in, hun châng tawl tawl ziang maleu le, ka lalpa hinna hi Lalpa la Pathian in a venbit dingte hinna tawh kân khawm intin; la mêlmate hinna chu vang vaisuangse chang gual in kikhawdok in au.