SAM 20:3 - PATHIAN LEKHABU THIANGTHO (BSI)

³ La thillat zosia hezing hen la, la hâlmang thillat chu doisak tak in pom piak ta hen. (Selah)

SAM 20:3 ပူးပေါင်းရင်းမြစ်များ

THILSIAM THU 4:4

Chuleh, Abel inle a belamte lak ah piang masa pen a sa lak ah a phatna pen pen te chu a hun lân a. Lalpa chu Abel leh a thillat ah chun a kipâk a;

1 KHANGTHU 21:26

David in Lalpa â dingin mâichâm pakhat a siam ah, zia tak ah chun hâlmang thillat leh kichamna thillatte chu lân in, Lalpa a ko ah, ama’nle mâichâm chungah hâlmang thillat chu van ah kipat meikuang in a hun dawnhu tai.

2 KHANGTHU 7:1

Solomon a pauchap zaw phatin van ah kipat in mei a hung ketha suk ah, halmang thillat tawh kithoinate chu a hun kâng tum tai; tichun, Lalpa lopina chun tempul a hun lua dim tai.

SAM 128:5

Lalpa‘n Zion ah kipat in hun maljawl hen la, la dam sung sia’n Jerusalem phatna mu zing ta’n.

SAM 134:3

Lalpa, lei leh van siampa chun, Zion ah kipat in hun maljawl ta hen!

SAM 51:19

tichun, kithoina dik tak, hâlmang thilpiak leh hâlmang pumpiak chung ah hin, kipak ta’n la tin; ziaphat chuleh, la mâichâm ah, bawgchalte lat hita’n a.

ISAI 60:7

Kedar ah belamhon zosia, la kiang ah hun puikhawm intiu in, Nebaioth ah belam zosia’n la na hun sep piak ta’n au; ka mâichâm ah pom piak hita’n tiu in, tichun, ka In lopi chu hun chawihoi ta’ng ka.

THIAMPUTE LEKHABU 9:24

Lalpa ma ah kipat in meikuang a hung pawtdok ah, mâichâm chung ah hâlmang thillat leh sathaute chu a hun kângtum ta’n; zia chu mipi zosia’n a mu un a kiko ua, a mai ua leisi’n, a khupbok khep khup ziang tau hi.

NASEPTE 10:4

Ama chun lau tak in a vak en ah, “Lalpa, bang a hem?” a tia. Ama chun, a kiang in, “La pauchapnate leh la thilpiakte kha Pathian ma’n het zing dingin a tung to tai.

EPHESA 5:2

Khrista’n ei hepi ah, ei uh â ding ah gimtui ah Pathian kiang ah thillat ah a kipiak gual khan, hepina nei zing tau in.

1 PETER 2:5

nang uh le suang hingte gual in, thagau lam In ah lepto la hiu ah, Jesu Khrista ziakin Pathian kipakna lam, thagau lam kithoina lân ding ah thiampu thiangthote la hung hitheina ding un.