SAM 2:4 - PATHIAN LEKHABU THIANGTHO (BSI)

⁴ Van ah chupa chun a nuisan in; Lalpa‘n amau chu nuizat um a sai.

SAM 2:4 ပူးပေါင်းရင်းမြစ်များ

2 LENGTE 19:21

Lalpa‘n ama chung thuah a gen chu zia hi ahi; Zion chanu nungak thiangtho chun a hun musitah, simmaw tak mai in a hun nuisan ta’n; Jerusalem chanu chun, la nung lam ah a luu a hun thin khum ta ahi.

SAM 11:4

Lalpa chu a tempul thiangtho in a um a, Lalpa lalchutpha chu van ah a um hi. Mihing chate a mit in a entha zing in, a patep zing hi.

SAM 115:3

Ka Pathian uh chu vante ah khin a um in; a nop dan dan in bangkim a bawl sek hi.

SAM 123:1

Aw nang, vante ah lalchutpha ah chupa, nangma lam in ka mit ka hun te to hi!

SAM 37:13

ahi’n, Lalpa‘n mi nunsia chu nuisan intin; a manthaina ding ni hung tung ding ahi ti a mu ngal a.

SAM 53:5

Zia chun tu’ma lam cheng ah, a launau zosia sâng ah huaisia zaw ah chun, thep lau in um ta’n au. Pathian in ama ngaisak lo zosiate gu chu, thejak ding ahi ngal ah; Pathian in a paithâk tâk ziakin mualpho ta’n au.

SAM 59:8

Himaleh, aw Lalpa, nang in amau chu la nuisan ah, namtinte chu tawtbawlna’n la mang tai.

SAM 59:9

Aw, ka hâtna, hun ngâk zing ing ka; Aw Pathian, nang chu ka kulpi la hi’ngal a.

SAM 68:33

Aw vante, kumtuang van chung ah chuangpa, a aw chu ngai un! Ama’n hatna dim a aw chu a hun sua tai!

THUPILTE 1:26

la vangsiatnau nuisan ing ka tin, patauna’n a hun phâk phat leh, tawtna’n hun tha ding ka hi;

ISAI 40:22

Leilung huap phâk khêl lam ah, lal chutpha sâng tak in a kichu hen, a mipite chu khauphak hon a bang ui. Puanjak gual in vânte khi a kaipal in, chênna ding puanbûk gual in a kaimal hi.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ISAI 66:1

Lalpa‘n zia gual hin a gen hi: Van chu ka lalchutpha ahi’n, lei tual hi ka keng ngakna ahi; kei â ding ah khoi tak ah In ei sak piak ding la hiu ah, ka chawldamna ding mun chule khoi tak hiding a hem?