SAM 148:8 - PATHIAN LEKHABU THIANGTHO (BSI)

⁸ mei leh gial, vûk kia leh jan dâichîm zosia, thigawpi a thupiak dungzui ah umte haw!

SAM 148:8 ပူးပေါင်းရင်းမြစ်များ

THILSIAM THU 19:24

Lalpa chun Sodom leh Gomorrah khawpi chung ah chun, van ah Lalpa kiang ah kipat in mei leh kât a hun zuksak ta’n;

JOB LEKHABU 37:12

Mihing chêntheina mun zosia’n, a bawl ding ua thu a piak gual chiat ua, a umtheina ding un, ama pui dan dan in, a kivêl tawl tawl sek ui.

SAM 103:20

Aw nang uh a vansawlchâkte haw, nanghaw a thu ngai ah zawm sek, a nasemte haw, Lalpa chu pâk tau in.

SAM 18:12

A ma âng ah vak nasa tak ah kipat in, a sûmpite chu hun sepvang suk in; gialte leh suangmeihol kuang a hung ketha zung zung hi.

PAWTDAWNA THU 10:13

Tichun, Mosi’n a tiangkhut chu Aigupta gam chung ah a jakdok tai; Lalpa’n zia ni sun nitum leh jan khawvak in zia gam zosia ah chun sualam thigua a hânsak ah; chuleh, jingkal a hung hi’phatin, sualam thigua chun khaubepi a hun tok lut tai.

PAWTDAWNA THU 10:19

Chuleh, Lalpa’n tumlam hui hat tak a hun hânsak ah, khaubepite chu a hun tok mang ah, Tuipi San ah chun a tok lut sik sek tai; tichun, Aigupta gam sung pumpi ah chun khaubepi pakhat chale a um ta puai.

PAWTDAWNA THU 14:21

Ziaphatchun, Mosi’n a khut Tuipi chung in a vak jak ah. Lalpa’n jankhua’n sualam hui hat tak a hân sak ah, Tuipi chu a le’luansak ah; Tuipi chu lei hul a suaksak ah; chun, tuite chu a kikhensak tai.

ISAI 66:16

Lalpa‘n a vaihawmna chu, meikuang in vai hun hawmsak ding ahi’n, mi zosia chung in a chemjam vaihawm sak ding ahi ngal a; tichun, Lalpa‘n a thâlup chu tam ma ma ding a hiu.

JOEL 2:30

Lei leh vante ah zilgaina, mêlchiknate thisan leh mei leh meikhu kitungte hun etsak ing ka.

THIAMPUTE LEKHABU 10:2

Tichun, Lalpa ma ah kipat in mei a hung pawt ah, amau teni chu a hun kânglum ta’n, Lalpa ma ah chun a thi tau a.

AMOS 4:13

Ngai in, tângte hun siam ah, huite siam ah, mihingte kiang ah a ngaituanate hiatsak ah, jingkal chu khawthim suaksak a, lei munsângte chuanden pa, a min Lalpa, sepai honte Pathian chu ahi ngal a!

AMOS 7:4

Zia hi Lalpa Pathian in ei etsak chu ahi: Lalpa Pathian in mei a ko ah, zia mei chun tuisuagiat leh gam chu a kâng tum tai.

JONAH 1:4

Himaleh, Lalpa‘n thigawpi nasa tak tuisuagiat chung in a hânsak ta’n; tuisuagiat chung ah chun thigawpi nasa tak a hung hân ta ziak in, long chu sia ding a kisa ziang tai.

JONAH 1:5

Longpute a lau tau ah, mi tin in a pathian uh a ko chiat tau a. A long uh sukjangkhaina dingin, a sung ah vante chu tuisuagiat in a paitha tau a. Zia hun ah chun Jonah chu long sunggil lam pek ah lut in, i-mut tui tak in a la ipmu tai.

KISIMNA LEKHABU 16:35

Chun, Lalpa ah kipat meikuang a hung pawt ah; zia chun gimtui lân ah um mi za ni leh sawmngate chule a hun kâng tum tai.

JOSHUA 10:11

Israelte ma-âng ah jam mang ah Beth-Horon kenliang ah a tai suk lai un, Lalpa‘n van ah kipat in gialchang lianpi pi, Azekah tiang in a chung ua a hun kiaksak ziakin, Israelte’n chemjam ah a thalup sâng un gialchang in a se’lup a tam zawu hi.

THUPUAN 16:21

Van ah kipat in gial lian tak tak, pakhat gik dan chu talent khat bûk chu mihingte chung in a ke ta’n; zia gawtna chu a nasa ma ma ah, zia gual ah gawt ahi’nung unle mite chun Pathian a gensia nalai ui.