SAM 146:9 - PATHIAN LEKHABU THIANGTHO (BSI)

⁹ Lalpa‘n gamdang mite chu a vêngpha sek hi; nu leh pa neilote leh meithâite a khawtua in, mi gilote lampi’n vang siatna a tun sek hi.

SAM 146:9 ပူးပေါင်းရင်းမြစ်များ

2 SAMUEL 15:31

Ahithophel in Absalom a kithuapi hi ti David a hil un. Zia phat ah chun, David in, “Aw Lalpa, Ahithophel thuhilna chu bangmalo suaksak in,” ti’n a gen tai.

2 SAMUEL 17:23

Ahithophel chun a lemguatna a zui puau hi ti a het phat in, a sabiltung chung ah chuang in, khawpi lam ah a In zuan in a chia tai. A Insung a suktup zaw phatin a kikhâi lum ta’n; a thi phatin a pa thânkhuk in a vui tau hi.

ESTHER 5:14

Ziaphatchun, a ji Zeresh leh a gualte zosia chun a kiang in, “Tong sawmnga sâng in mi khailupna ding siam inla, jing leh lengpa kiang ah chun Mordekai khailum dingin don in; zia phat chuleh, lengpa tawh lungthim nuam tak in an ne’khawm dingin chia ta ding la paw em,” a ti tau a. Zia thu chu Haman lung lam tak a hia, mi khailupna ding chu a siam zo ngal tai.

ESTHER 7:10

Tichun, Mordekai khailupna ding ah Haman in a bawlsa chun ama chu a khailum tau a. Ziaphatchun, Lengpa lungnatna chu a dai tai.

ESTHER 9:25

ahi’n la, Esther chu Lengpa kiang ah a hung phatin, Judate siatna ding guanggalpa thil phalo chu a luchung in chu hen la, ama leh a chapate chu khailupna chun khailup hiu hen, ti’n Lengpa chun a thupiak chu lekha’n a zikdok tai.

SAM 10:14

Nang in la mu zing ngal ah! Mi nunsiate’n la khut ah kipat, buaina leh lungjinna a tuak dingteu chu la tepte hi; panpi ding neilote chun a hun bêl sek un; nauchaga panpitu la hi’ngal a.

SAM 145:20

Lalpa‘n ama hepi taphot chu a vêngtup zing in, mi nunsia zosia vang hi’mang in a.

SAM 147:6

Lalpa‘n nuaisia ah umte a domsâng in; mi nunsiate vang lei tual in a septha sek hi.

SAM 18:26

mithiangtho kiang ah chun thiangtho in la kilang in; mi lungkawi kiang ah chun nunkhawk tak in la kilang sek hi.

SAM 68:5

Pathian, a umna thiangtho ah chêngpa chu, pa neilote pa leh meithâite khawtuapa ahi.

THUPILTE 15:25

Lalpa‘n mi kiletsakte In chu a phiat piak sek a; meithâite gamgi chu vang a hi’det piak sek hi.

THUPILTE 4:19

Mi nunsiate lampi chu, khûk thim tak gual ahi’n; a bang pen ah kisui a hiu le a hethei ngai puau hi.

JEREMIAH 49:11

La nauchagateu chu nusiau in, keima’n a la enkol na’ng ka, la meithâiteu inle ei muang mai uh hen.

HOSEA 14:3

Assuria in ei hukdam pua’n tin, a sakol chung ah chuang pua’ng kau; ka khutsuakteu kiang in, ‘Ka Pathian uh la hiu,’ ti ta pua’ng kau. Nangma ah chun nauchagate’n, ja’ngaina a mu sek ngal un,” ti in.

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

1 KORINTH 3:19

Zia khawvel pilna hi Pathian ngai in ngolhuai tak ahi ngal a: “Ama’n mipil chu a dawha thûknau in a man sek hi,” ti zik gual in.

DAN LEKHABU 16:11

Lalpa la Pathian un a min umna ding ah a guatna mun ah chun, nang tawh la chapate, la chanute, la suakpa leh la suaknute, la lak ua um Levite, gam dang mite, nauchagate leh meithâite chu tawh la leng un, Lalpa la Pathian uh ma-âng ah lim tak in la ûm khawm ding uh ahi.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.