SAM 143:8 - PATHIAN LEKHABU THIANGTHO (BSI)

⁸ Jingkal in la ngilneina det thu ei hetsak in, nang ka hun ging ngal a. Ka chiana ding lampi ei hil in, ka lungthim in nangma lam ka hun nga ngal a.

SAM 143:8 ပူးပေါင်းရင်းမြစ်များ

SAM 119:34

La dan ka vop phat theina dingin hiatthiamna ei pia’n; tichun, ka thinlung zosia’n zawm ing ka.

SAM 119:73

La khut in lei siam in, lei guanggal ta’n; la thupiakte ka ziltheina dingin, hiatthiamna ei pia’n.

SAM 143:10

La doilam bawl dingin ei zilsak in, ka Pathian a la hi’ngal a. La thagau pha tak chun lamphei ah ei pui hen.

SAM 25:20

Aw, ka hinna vêng inla, hukhing ta’n; ei mualphosak kin, nangma hun bêl ka hi’ngal a.

SAM 27:11

Aw Lalpa, la lampite ei hil inla, ka mêlmate ziak ah hin lamphei ah ei pui in.

SAM 30:5

A lungnatna chu hun chomkhat bep dai ahi’n; a doisakna chu vang damsung dai ahi. Kâ-na chu a jan giak mai thei, ahi’n, jingkal ah chun kipakna a hung tung ngal sek hi.

SAM 32:8

La chiana ding lampi chu hun kawk mu in, hun hil ing ka tin; ka mit ah hun entha zing in, lem hun guat piak ding ka hi.

SAM 42:8

Lalpa‘n sûn leh a ngilneina’n ei vêng hen la, jan leh a la’n ei awi leh, ti hi Pathian kiang ah ka pauchapna ahi.

SAM 46:5

Pathian chu khawpi lailung in a um ah, kilîng pua’n a; Pathian in phalvak ah chun hun panpi in a.

SAM 5:8

Aw Lalpa, ka mêlmate ziakin la dikna’n ei pui inla; la lampi ka ma-âng ah hin hi’lamzang ta’n.

SAM 59:16

Ke’n vang, la hatna thu la’n sâng ka tin; jingkal ah chun la ngilneina la’n sâng ka. Nang chu ka kulpi sâng leh, ka lungjin ni ka kihumbitna la hi.

SAM 86:4

La suak hinna kipak sak inla, aw Lalpa, ka thagau in, nangma lam ka hun nga tai.

SAM 90:14

Jingkal in la ngilneina chun ei hitai inla, ka damsung zosiau ah ka lim ua, ka kipak theina ding un.

ISAI 30:21

Chuleh, la changlam a hem la veilam a hem ah la kiheina’n, la nung lam ah thu kigen la nakhang in hia’n tin, “Zia lam hi ahi a lampi, zia lam hi haw in,” ti in.

ISAI 48:17

Nangma hun Tanpa, Israel Mithiangtho, Lalpa chun zia gual hin a gen hi: Keima hi Lalpa la Pathian, la phatna ding ah hun hilpa, la chiana lampi hun kaibâtpa chu ka hi.

KÂ LATE 3:41

Van ah Pathian lam in I khutteu jak in, I lungthimteu in nga’to hitiu.

HOSEA 6:3

Lalpa chu hia’i tiu in, hetzing gaw tai tiu; a hung kilatna ding chu phalvak gual ah kichian ahi; ama chu I kiang un gawtui gual in hung intin, khâl gawtui in lei a chap no gual in hung tung in a.”

VAIHAWMTE 13:12

Ziaphatchun, Manoah in a kiang in, “La gen gual ngei chun hung guitung ta leh, naupang chu bang gual in ka enkol un, bang a hun bawl diam?” ti’n a dong ta’n.

1 SAMUEL 23:12

Ziaphatchun, David in, “Aleh, Keilah khua mite hin, keima leh ka sepaite hi Saul khut in ei pedok diam uh?” ti’n a dong a. Lalpa chun, “Hun pia ding a hiu,” a hun ti tai.