SAM 143:7 - PATHIAN LEKHABU THIANGTHO (BSI)

⁷ Aw Lalpa, ei dawnhu kin in; ka thagau basam ding ahi tai. La mai ei sêl mangsan kin la, achutiloleh, mithi khua, lûtsukte gual mai in um kha’ng ka.

SAM 143:7 ပူးပေါင်းရင်းမြစ်များ

SAM 102:2

Ka lungngai nikhua hin la mai sêl mang kin. Ka lam ah la bil hun daw inla, ka hun ko tak leh ei hun dawnhu kawm ziang in.

SAM 22:24

Ama’n genthei thuakte chu a mu tawm puan, a ki’dak diak puai; a mai ei sêlgûksan diak pua’n, ama ka ko tak leh ei ngaitha sek ngal a.

SAM 27:9

Ka mu lo dingin la mêl sêlgu kin la, lungna’n la suak hi ei sawl mang ziang kin la; nang chu ei panpipa la la hi’ngal a. Ei panpi kin inla, ei nusia him him kin! Aw Pathian, ka kihukhinna la hi’ngal a.

SAM 28:1

Aw Lalpa, ka suangpi, ka hun ko hi: ka lam ah la beng hi’ngong kin; lei ngaisak loleh vang mithi khua lûtsukte gual in um kha’ng ka.

SAM 40:17

Kei vang, genthei leh chaga ka hi, ahi’n, Lalpa‘n ei ngaitua piak zing hi. Nang chu ei panpipa leh ei hukdokpa la hi. Aw ka Pathian, hung muangchâng kin.

SAM 69:17

La suak hi ei kihei mangsan kin la, lungjing in ka um ah, ei dawnhu kin in.

SAM 69:18

Ei hun nai in, ei hukdok in; ka mêlmate lak ah kipat hin ei thâdok ta’n.

SAM 69:3

Ka hun ko’na lam in ka chau ta’n, ka gawl a heu hial tai. Ka Pathian ngâk ah ka etna lam in ka mit a vai zo tai.

SAM 70:5

Kei vang, genthei leh tasam ka hi; aw Pathian, ei hun nai kin in! Nang chu ei panpipa leh ei hukhingpa la hi; Aw Lalpa, hung muangchâng kin!

SAM 71:12

Aw Pathian, ei gamlat kin; aw ka Pathian, ei hung panpi kin in!

SAM 84:2

Ka hinna’n Lalpa biak In huang sung chu a ngaina hen, a chau pha hial tai; ka thinlung leh ka phe hi, Pathian hing kiang ah chun kipak in a kikodok tai.

THUPILTE 13:12

Lungtup kibang lo chu lungthim natna ahi’n; lungtup mualsuana chu hinna thing gual ahi.

ISAI 38:18

Sheol in la kiang ah kipakna châng a hepua’n, thina’n le a hun pakcha thei paw’ngal a; Khûk thim ah lût zosia’n, nangma ah kinepna a nei thei ta puai.

ISAI 57:16

A kum a khua’n hun mawsak zing pua’ng ka tin, la chung inle lungna zing diak pua’ng ka; achutiloleh, ka ma-âng in thagau leh, a hinnau ka siam piak nasan chu, basam zo mai ding ahi ngal in.

ISAI 8:17

Jakob Inkuante mulo ding ah kisêl mang Lalpa chu ngâk ing ka tin, ama ah chun kinem zing ing ka.

LUKA 21:26

Van thilhitheina ziak ah lei hi suklîng hiding ahi ziakin, a sung ah mite chu thil hung um ding dan lunggêl in, lau leh hatsam in hung um in au.