SAM 143:1 - PATHIAN LEKHABU THIANGTHO (BSI)

¹ Aw Lalpa, ka pauchapna ngai inla, la ginumna leh la dikna ziakin, lungsiat ka dotna ei ngaithâk piak inla, ei dawnhu in.

SAM 143:1 ပူးပေါင်းရင်းမြစ်များ

2 SAMUEL 7:25

Chuleh, tu’hin, aw Lalpa Pathian, la suak chung thu leh a Insung mite chungchâng ah la thugente chu kumtuang dai dingin sudet in la, la tiamsa dungjui in bawl in.

SAM 140:6

Lalpa kiang ah chun, “Nang ka Pathian la hi, aw Lalpa, lungsiat in ka dotna ngaitha’n,” ka ti hen.

SAM 17:1

Aw Lalpa, thudik ka dotna ngai inla, ka kiko’na aw hi ngai in; zuauthepna pang lo mûkah kipat ka pauchapna hin la nakhang daw in.

SAM 31:1

Aw Lalpa, la humbitna hawlin ka hun bêl hi; ei mualphosak him him kin; la dikna’n ei hukhing in.

SAM 71:2

La dikna ziakin ei hukhing in; ei hukdok inla, ka lam ah la bil hun daw in ei hukhing ta’n.

DANIAL 9:16

Aw Lalpa, dik tak ah thil la bawlna kineppi in, la lungnatna leh la hachangthakna chu la khawpi Jerusalem, la tâng thiangtho ah kipat ladok dingin ka ni la hi; keimau gitlo ziak leh ka pu leh pateu thulimlo’na ziakin, Jerusalem leh la mite hi ka kîmvêl ua mite zosia gensiat leh nuisan in ka um zo tau hi.

1 JOHAN 1:9

I gitlonau thupha I choi uh chun, I gitlonateu ngaidam ding leh, I dik lona zosiau silthiang dingin ama chu a ginum in a dik hi.