SAM 135:5 - PATHIAN LEKHABU THIANGTHO (BSI)

⁵ Lalpa chu lopi tak ahi ti leh, I Lalpau hi pathian dang zosia chung ah, um ahi ti ka he ta ngal a.

SAM 135:5 ပူးပေါင်းရင်းမြစ်များ

SAM 147:5

I Lalpau chu a lopi hen, thilhitheina lam ah le nasa tak ahi; a pilna chu tawp nei lo ahi.

SAM 48:1

I Pathian khawpi Lalpa chu a lopi hen, lopi tak ah chawihoi ding ahi!

SAM 89:6

Vante ah khin Lalpa tawh te’pi thei ding kua a hem um? Van ah umte lak ah Lalpa tawhbang kua a hem um ah,

SAM 95:3

Lalpa chu Pathian lopi tak ahi’n, pathian zosia chung ah leng lopi tak ahi ngal a.

SAM 97:9

Aw Lalpa, leilung zosia chung ah, Chungnung pen la hi’ngal a; nangma chu pathian zosia chung pek a, chawihoi in la um hi.

ISAI 40:22

Leilung huap phâk khêl lam ah, lal chutpha sâng tak in a kichu hen, a mipite chu khauphak hon a bang ui. Puanjak gual in vânte khi a kaipal in, chênna ding puanbûk gual in a kaimal hi.

ISAI 40:25

Kua tawh lei têpi diam uh? Kua a hem ka kibatpi? Mi Thiangthopa chun a tii.

DANIAL 3:29

Ziaziakchun, thupiak ka bawl tai: mitin, namtin leh pautin lak ah kipat Sadrak, Meshak leh Abednego Pathian gensia thugen taphot chu sât tel in um hen la, a In uh le suksiat ding ahi; zia gual ah hukdok thei pathian dang him him a um paw’ngal in,” ti’n a gen tai.

DAN LEKHABU 10:17

Lalpa la Pathian uh hi pathiante zosia chung ah Pathian, lalte zosia chung ah Lal, Pathian Chungnung pen, hat leh lau um tak, kuama doichuam diak nei lo leh golgûkna la ngai lo leh,