SAM 13:2 - PATHIAN LEKHABU THIANGTHO (BSI)

² Bang chan lungthim natna pu nalai a, nitum ah lungjing tak ah um nalai ding ka hem? Ka mêlmate ka chung ah bang chan, kichawisâng nalai ding a hiu em?

SAM 13:2 ပူးပေါင်းရင်းမြစ်များ

NEHEMIAH 2:2

Ziaphatchun, lengpa’n ka kiang in, “Bang ding ah lungngai mêl pu la hem, damlo le la hi sam pua’n? La lungngai ziak ahi,” ei tia. Ziaphatchun, ka lau ta ma ma ziang a.

ESTHER 7:6

Esther in, “Ka kilanpiu leh ka mêlmapau chu zia migilo Haman hi ahi!” ti’n a hun dawnhu a. Ziaphatchun, Lengpa leh Lengnu âng ah chun lau in a kithing ta.

JOB LEKHABU 10:15

A la bawl khial ka hileh vang, ka chung a gik hi! a dik hi lengle, mualphona dim leh ka thokgimna bep, buaipi ka hiziak in, kiletsak tak in ka mâi, thal put ziang diak lo ding ka hi.

SAM 10:18

nauchagate leh tawden ah umte â dingin, dik tak in bawl piak ding la hi’n; tichun, lei ah hin mite’n thil tizat um bawl ta pua’n au.

SAM 116:3

Thi’na khauhualte chun ei zem ah, Sheol gûte chun ei zo ta’n; lungkhamna leh beidonna ka tuak hi.

SAM 17:9

mi nunsia ei chomnâm gawte leh, ka mêlma ei ûm kîmvêlte lak ah kipat hin.

SAM 31:18

Muk zuauthei kisathei tak leh, engsia tak ah mi diktatte gensete chu, thip bek in um tau hen.

SAM 38:17

Ka pûk vang vang in, ka natna’n le ei nusia ngai puai.

SAM 42:4

Ka hinna ka butthâk phatin, zia thilte hi ka hun he tai: mipi tawh kiton ah, limna leh pâkchâtna gi tawh, mi tam tak kût ni Pathian In zuan ah, ka pui lai hunte kha.

SAM 6:4

Aw Lalpa, hung kihei inla, ka hinna hukhing inla, la ngilneina ziakin ei hukdok ta’n.

SAM 7:2

achutiloleh, sakeibaknei gual in, ei puaitel ziang kha’n au; ei hukdok ding umlo ah ei kaimang ding ahi ngal un.

SAM 74:10

Aw Pathian, mêlmate chun, bang chan a hem ei nuisan ding uh? Mêlma chun kumkhua’n la min, hun samsia ding a hiu em?

SAM 74:18

Aw Lalpa, mêlma’n a hun simmawnau leh, pathian ngaisaklote hun gensiatnate hi hezing in.

SAM 8:2

Mêlma leh phuba late sukdaina ding leh, a hun do-te ziakin nausente leh, nawichep nalaite kam ah kipat in hâtna la hi’det hi.

SAM 9:6

Mêlmate chu kumtuang siatna’n a mangthai tau a; a khawpiteu la chomnâm ta’n; amau hetzingna a mangthai tai.

THUPILTE 15:13

Lungthim kipakna’n maisua a hi tai a, lungthim ah lungngaina chun thagau a hi’thasia sek hi.

THUGENTU 5:17

Zia mai chule hilo in, a damsung siau nasa tak ah lung awilo’na tawh, natna tawh, lungnatna tawh thim lak in an a neu a.

JEREMIAH 15:18

Bang a tia ka natna chawl lo ah, ka beliam dam theilo ah, dam ding gaw lo hial ahi tam? A dik tak in, nang hi kei â dingin tuisam guam, a tui bei pai gual ah, ei thêm mai mai la bang hi.

JEREMIAH 45:3

Nang in, “Ka chung a gik na e! Lalpa‘n ka natna’n lungngaina ei belap piak ah; ka thûm leh mauna hi ka chaupi in, chawldamna ka mu zo puai,” la ti hen.

JEREMIAH 8:18

Ka limna’n ei taisan ta’n, lungngaina’n ei chûm tai; ka lungthim a na tai.

KÂ LATE 1:5

A gâlteu chu a hotuu a hung hiu a, a mêl huatteu chu a lawting tau hi; a gitlonau nasat bêk ziakin, Lalpa‘n a thoksak ta’n; a chateu chu a gâlteu âng in, sal ah pui in a um zo tau hi.

KÂ LATE 1:9

A buakna chu a nîk in a bek ah, a khawnung thu ding bangma a gêl puai; a kiak niamna chu huaisia tak ahi, a thamuan ding khat le a um puai. “Aw Lalpa, ka haksat dan hi hun en tiam in, mêlmate’n ei tawden tau hi!” a ti’n.

KÂ LATE 5:20

Bang ding ah kei haw, ei hemil veng veng ziang la hem? Bang ding ah zia chan chan hi ei nusia la hem?

MATTHAI 26:38

Chuleh, a kiang un, ka lung a gim ma ma ziang hen, thina khop hial a hi; zia tak ah hin a la um unla, ei la vênpiu in, a tia.

LUKA 22:53

Nisi’n ah tempul sung ah ka um sek lai khan la lei man puau a; himaleh, tu’hi nanghaw leh thim thilhitheina hun chu ahi,” a tia.

JOHAN 16:6

Himaleh, zia thute chu la kiang ua ka gen ziak hin, la lungthim uh lungngaina’n a dim zo tai.

ROMTE 9:2

Ka lunggil sung ah hin lungngaina leh lunggimna bei theilo ka nei zing hi.

PHILIPPI 2:27

Thi tavang hial in a damlo ngei hi. Himaleh, Pathian a chung in a jangai ah; ahi, ama chung bep ah hilo in keima chung inle, lungngaina chung ah ka lungngai sawn lona dingin.

1 SAMUEL 18:29

Saul chun David chu a lau zaw sêm ah, tichun, zia hun ah kipat chun Saul chu David mêlma a hung hi tai.

1 SAMUEL 24:19

Zia gual chun min a mêlma sikha leh, kua a hem dam tak ah tha’suak kit ding? Tu’ni ka chung ah la thilbawl phat ziak hin, Lalpa‘n phatna’n hun vuk ta hen.