SAM 127:3 - PATHIAN LEKHABU THIANGTHO (BSI)

³ Chate hi Lalpa ah kipat I gochan uh a hiu a; gil ah ga kipakman a hiu.

SAM 127:3 ပူးပေါင်းရင်းမြစ်များ

THILSIAM THU 1:28

Chutichun, Pathian in amau chu a maljawl ah: Pathian ma ma chun a kiang un, “Chi tam tak suan ah nei in hung pung unla, lei chung hi lua dim unla; la thu thu un umsak un: tuisuagiat ah sangate, chunglêng vachate leh ganhing lei ah bokvâk zosiate chung ah thu nei un,” a ti’n.

THILSIAM THU 24:60

Rebekah chu maljawlna a piau ah, a kiang in: “Ka suapinuu nang chu, sâng tam tak mun sangsawmte nu hung hi’n la: la suante chun a mêlmateu kul kotkhak lua pek tau hen,” a tiu a.

THILSIAM THU 33:5

Chuleh, Esau chu a vak dâk ah, numeite leh naupangte chu a mu ta’n: “La hun puite hi kuate a hiu em?” ti’n a dong a. Ama chun, “Pathian in a lungsiat ziak ah la suak kiang ah a piak naupangte a hiu,” ti’n a dawnhu a.

THILSIAM THU 4:1

Tichun, Adam in a ji Evi a luppi ah, nau a vop ah, Kaina a hing ah, “Lalpa panpina’n chapa ka nei tai,” a ti’n.

THILSIAM THU 48:4

Ka kiang in, ‘Chi tam tak suan sak in, hun hi’pung ing ka tin, chi chuam chuam um khawm in hun siam ing ka tin, zia gam hi la nung ah la suante kiang ah kumkhua a go ding un pia’ng ka,’ ei ti’n.

2 SAMUEL 3:5

a pagukna chu David ji Eglah tawh a chapau Ithream ahi. Zia cheng hi Hebron ah piang David chapate chu a hiu hi.

1 KHANGTHU 28:5

Lalpa‘n chapa tam tak ei piakte lak in, Lalpa lenggam ah Israelte chung ah lalchutpha kichu dingin Solomon chu a têl in.

1 KHANGTHU 8:40

Ulam chate chu mi hat leh hangsan, thal kap thiam ngen a hiu a, tu leh cha tam tak, za leh sawmnga hial a nei ua. Ziate zosia hi Benjamin suante ngen a hiu hi.

JOB LEKHABU 1:2

Chapa pasagi leh chanu pathum a nei a.

ISAI 13:18

A thalpiu chun tangvalte that intin, gil ah gate chung in lainatna nei pua’n tiu in, naupang daidawpna le nei diak pua’n au.

ISAI 8:18

En tiam un, kei leh naupangte Lalpa‘n ei piakte hi, Zion tâng ah cheng sepaite Lalpa ah kipat Israelte lak ah tepte’na leh etsakna ka hiu hilam.

DAN LEKHABU 28:11

Lalpa la Pathian un, la pu leh pateu kiang ah piak ding ah a la tiamna gam ah hin, nei leh lam ah kiningting ah, cha leh nau, gan-gual, lou leh huan thâi lam ah Lalpa maljawlna tam tak dong ta’n lau.

DAN LEKHABU 28:4

La gil ah gate, la huan gate, la ganchate, la gan-gualte pung jel in, la belam honteu le maljawl in um in au.

VAIHAWMTE 12:9

Ama’n chapa sawmthum a nei ah. Ama chanu sawmthumte chu ama In sung mi hilo, khaw chuam mite ji dingin a pia’n; a chapate ji dingin pawlamte nungak sawmthum a pui lût a. Ama’n Israelte chung ah kum sagi vai a hawm hi.

1 SAMUEL 1:27

Zia naupang hi donah pauchap ka la hi’ngâlah; chuleh, Lalpa‘n a kiang ah ka dotna chu ei law tinsak ta ahi.