SAM 123:3 - PATHIAN LEKHABU THIANGTHO (BSI)

³ Ka chung un ja’ngai in, Aw Lalpa, ka chung un ja’ngai in; musit in ka um talua ngal un.

SAM 123:3 ပူးပေါင်းရင်းမြစ်များ

2 SAMUEL 6:16

Lalpa thuthung thingkuang chu David khawpi a hun puak tung phat un, Saul chanu Mikhal in tukvan ah kipat chun Lalpa ma-âng ah Lengpa David lâm ah kichawm chawm chu a vak mu phât in, a lungthim in a jachatpi tai.

2 LENGTE 19:3

Amau chun a kiang in, “Hezekiah chun zia gual hin a ti ahi: Tu’hun hi lungkhamna hun chu ahi tai; vauna leh demsiatna ka tuak ahi: naupangte hung pianna ding chu a hita hen; himaleh, a piansakna ding in hatna bangmacha a um ta puai.

JOB LEKHABU 19:15

ka In ah ka malzinte’n, ei hemil zo tau hi; ka nasêm nungakte’nle ei malzin bawl tau ah, a mit mu un malzin ka suak tai.

SAM 4:1

Aw, ka dikna Pathian, ka hun ko phat leh ei dawnhu in! Ka lungdon phat cheng leh lei panpi sek ngal a. Ka chung ah ja’ngai inla, ka pauchapna ngaitha’n.

SAM 57:1

Ei lungsiat inla, aw Pathian, ei lungsiat in; ka hinna’n nangma a hun bêl in, siatna huipi a kithial masia, la thalîm nuai hun bêl ing ka.

ISAI 53:3

Mite musit leh pâmpai in a la um ta’n; mi lungngai leh natna dim ahi. Kuama’n a mitlêm ua le, a mu tâk lo leh a musit uh ahi; tichun, ei hawn le bangma I la ngai puau hi.

KÂ LATE 3:30

a bêngte kiang ah ngeibiang daw ah, zachakna a thok mai ding ahi.

EZEKIEL 36:15

chuleh, nam dangte hosiatna git leh mite musit ah hun umsak kit talo ding ka hi; chuleh, la mipite kipal pâisak kit talo ding la hi, Lalpa Pathian in a tii.

EZEKIEL 36:6

Ziaziakchun, Israel gam chung thu’n thu gen inla, mual leh tângte, lui leh guamte kiang in, Lalpa Pathian in zia gual hin a gen hi ti’n: Nam zosiate hosiatna la puak tâk ziakin, ka thangtawmna hachangthak in thu ka gen ahi:

LUKA 16:14

Pharisai sum thangaite chun zia thute chu a het phat un, a nuisan un.

LUKA 23:35

Mipi chun a kiang ah dingin a la en zing un. A kiang ah lamkai a la dingte chun a hun engho un, “Pathian mi têl, Messiah chu la hileh, midang bawn hukdam sek a, kihukdam lechin hiding a paw em,” ti in.