SAM 113:3 - PATHIAN LEKHABU THIANGTHO (BSI)

³ Ni suana kipat a tumna tiang in, Lalpa min chu pâk in um ta hen.

SAM 113:3 ပူးပေါင်းရင်းမြစ်များ

SAM 18:3

Pâk tâk Lalpa chu ko ing ka tin, tichun, ei do-te lakah kipat hukdam in um ing ka.

SAM 48:10

Aw Pathian, la min gual ngei in, la pâkna chun kawl kîmvêl tiang a thawng hi. La changlam khut chu gâl zaw’na’n a dim hi.

SAM 50:1

Hat Chungnung, Lalpa Pathian chun thu a gen a, leilung hi ni sua’na lam ah kipat, a tumna lam tiang in a ko tai.

SAM 72:11

Leng zosia a ma’n hung khiangkho uh hen la; nam zosia’n a na hung sêm uh hen.

SAM 86:9

Aw Lalpa, la siamsa nam dang zosia chu, hung intiu in, la ma’n hung kûn intiu in, la min hun chawihoi ta’n au.

ISAI 24:16

Kawlmong ah kipat in, Mithiangtho pâkna La sak git I hiau hi. Himaleh, keima’n: Lungkham ah thi ding ka hi tai! Lungngai ah thi ding ka hi tai, ka chung a gik na e! Mi dawhathûk chun dawhathûk tak in a bawl in, dawhathûk chun dawhathûk zaw sêm in a bawl hi, ka ti hen.

ISAI 49:13

Aw vante haw, kipak in La sau in, aw khawvel, lim ta’n; aw tângte haw, La sa’n hung kikodok un! Lalpa‘n a mite a thamuan ta’n, genthei thuakte chung in, a lainatna tunsak ding ahi ta’ngal a.

ISAI 59:19

Tichun, tumlam ah mite chun, Lalpa min hun kicha ta’n tiu in, sualam ah mite chunle, a lopina hun kicha ta’n au; luicha tuilian leh Lalpa hui in a mût, gual in hung ding ahi ngal a.

HABAKKUK 2:14

Tui in tuisuagiat a chup dim gual in, Lalpa lopina hetna chun khawvel hi sukdim hi’n a.

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.