SAM 11:1 - PATHIAN LEKHABU THIANGTHO (BSI)

¹ Lalpa chu ka bêlbul ahi; bang ding ah vacha gual ah, “tâng lam ah lêng mang in,” ei ti ding la hem?

SAM 11:1 ပူးပေါင်းရင်းမြစ်များ

2 KHANGTHU 14:11

Asa chun Lalpa a Pathian zia gual hin a ko ah: “Aw Lalpa, nang in mi hat leh mi jawngkhal la panpi nop lo chuam a um puai. Aw Lalpa ka Pathian uh, nangma ah kinga leh la min bep suang ah zia mipite hi do gua ka hiziak un, ei hun panpi in. Aw Lalpa, nang chu ka Pathian uh la hi; mihing mai mai kizawsak ziang kin,” ti in.

2 KHANGTHU 16:8

Ethiopia leh Lubiate sepai tam tak tawh, sakol kângtalai leh a chung chuang mi tam dan huaisia takte kha hilo a hiu em? Himaleh, Lalpa ah la kingak ziakin la khut in a hun pia ahi kha.

NEHEMIAH 6:11

Himaleh, “Keima tawh bang hi kua a hem jam ngai ding? Kua a hem, keima gual hi a hinna ding hawl ah tempul bêl ding? Chia talojen ing ka!” ti’n ka dawnhu a.

SAM 16:1

Aw Pathian, ei humbit ta’n, nangma ah kisêl ka hi’ngal a.

SAM 25:2

Aw ka Pathian, nang ka ging ah, ei mualphosak kin; ei do-te ka chung in kithang phatsak kin.

SAM 31:14

Himaleh, aw Lalpa, nang ka hun ging ah; “Ka Pathian la hi,” ka ti hen.

SAM 56:11

Pathian ka ging hi, ka lau puai, Mihing mai mai in bang ei law thei ding a hem?

SAM 7:1

Aw Lalpa ka Pathian, nangma ka hun bêl hi; ei delzuite ah kipat ei hukdok inla, ei liakhu in;

SAM 7:2

achutiloleh, sakeibaknei gual in, ei puaitel ziang kha’n au; ei hukdok ding umlo ah ei kaimang ding ahi ngal un.

SAM 9:10

Chuleh, la min hete chun a hun taksang un; aw Lalpa, nang in vang a hun hawlte chu la kilepsan ngai puai.

THUPILTE 6:5

sa manpa thâng ah sapeng a taidaw gual leh, vacha manpa khut ah kipat, vacha a lendaw gual in kisûtdok in.

JEREMIAH 48:14

Bangtidan ah, “Mi hangsan leh gâldo’na mihat ka hi,” kiti thei la hiu em?

LUKA 13:31

Zia hun ma ma’ chun, Pharisaite lawi khat a hung un a kiang in, “Zia kipat hin pawtdok mai in, Herod in hun tha a guai,” a hung tiu a.

1 SAMUEL 19:11

Saul in zia jan chu David a In ah chânggu dingin mi a sawl ah; jingkal phat leh thalup ding a ti ahi. David ji Mikhal chun, “Tu’jan ah hin la kihukdaw lo leh vang jing leh thi ding la hi,” ti’n a vahilgu tai.

1 SAMUEL 20:38

Jonathan in tanglakpa chu a nung ko ah, “Kin tak in hung kit in,” a tia. Tichun, Jonathan in tanglak a sawlpa chun thalchangte chu luak khawm vak in, a pu kiang lam in a hung tai kit a.

1 SAMUEL 22:3

Zia tak ah kipat chu David pawtdok in, Moab gam ah Mizpeh a tung a. Moab lengpa kiang in, “Pathian in kei â ding ah bang ei hun bawl piak ding a hem ti ka het masang sia, lungsiat tak in ka nu leh pa la kiang ah hung uh hen la, la kiang ah hung um tadi leu ti ah hung don ka hi,” a vatia.

1 SAMUEL 23:14

David chu Ziph Gamthip tânggam ah kawlhawm ah chun a um den ah, nisi’n leh Saul in a hawl zel ah; himaleh, Lalpa ‘n ama chu Saul khut in a pedok puai.

1 SAMUEL 27:1

David in a lungthim in, “Saul khut ah hin chu ni khat vang thi ngei ding ka hi; kei â dingin Philistinte lak ah kisel khêl ah phazaw a um ta puai; chutileh, Saul in Israel gam paw lam ah ei delzui thei talo ding ahiziak in, a khut ah kipat suakcha hi mai ding ka hi,” ti a ngaitua a.