SAM 103:2 - PATHIAN LEKHABU THIANGTHO (BSI)

² Aw ka hinna, Lalpa pâk inla, la chung ah a phatna zosia kha hemil kin;

SAM 103:2 ပူးပေါင်းရင်းမြစ်များ

2 KHANGTHU 32:25

Himaleh, Hezekiah chu a chapo ziakin, a chung ah phatna kibawl tawh kigûn in bangma a bawldok puai. Ziaziakchun, ama chung leh Judah mipite leh Jerusalem khua mite chung in hânsia a hung tung ta’n.

SAM 105:5

A thilbawl lamdang takte chu hawl unla, a thilmak bawlte leh a kamsuak, a vaihawmnate chu hezing un.

SAM 106:21

Pathian, amau Hukdampa leh, Aigupta gam ah thil lopi takte, a la bawlpa chu a la hemil tau a.

SAM 106:7

Ka suantuteu in Aigupta gam ah a la um lai ua khan, la thilmak bawlte a la ngaisak puau a; la ngilneina nasa tak kha le a la hezing puau a, Tuipi San ah khan Chungnung Penpa chung in, a la hel zaw tau hi.

SAM 116:12

Ka chung ah a thilbawl phat zosia ziakin, Lalpa kiang ah bang a hem ka piak thuk ding?

ISAI 63:1

Zia tak ah Bozrah puanlo ah kihuan hun sil ah, Edom gam ah kipat hung ah, puan lopi tak sil pum ah, a hatna nasa tak tawh hung saw kua a hem? “Keima, a thiamchan dan uh genlangtu leh, hukdam ding ah hat chu ka hi”.

ISAI 63:7

Lalpa‘n a hepina ei vukna dungzui in, Lalpa pakchatna tawh, Lalpa hepi ngilnei dan tak chu gen ing ka tin; chuleh, Israelte chung ah a phatna nasat dan, a ja’ngaina dungzui ah a chung ua a vuk dan tawh, a hepina ngilneina nasat dante chu gen ing ka.

DAN LEKHABU 32:18

Nangma hun hingtu Suangpi chu, la ngaisak puau ah, nang uh hun siampa Pathian chu, la hemil tau hi.

DAN LEKHABU 32:6

Aw, mingol leh ngaituana beite haw, zia gual chun maw Lalpa la dit kit diu? Ama chu la Pau, a hun siampa leh, tungdingpa hilo maw?

DAN LEKHABU 6:12

Aigupta gam ah suak leh saltânna In ah kipat nanghaw hun puidokpa, Lalpa la hetmil lona ding un chingthei un.

VAIHAWMTE 5:2

“Israelte lak ah kithutuakna a um zing in, mipite kiphal tak ah a hung kipiakdaw phat un, Lalpa chu pâk un!

VAIHAWMTE 5:9

Ka lungthim chu Israel sepai hotute leh, mipite lak ah kipat thanuam tak ah, hung kipete kiang ngei in a kuandok hi. Lalpa chu pâk un.