SAM 101:3 - PATHIAN LEKHABU THIANGTHO (BSI)

³ Thil mantheilo ka mute buaipi pua’ng ka. Mi chia khialte thilbawl ka hua hen, amau tawh bangma bawl khawm pua’ng kau.

SAM 101:3 ပူးပေါင်းရင်းမြစ်များ

JOB LEKHABU 31:1

Ka mitte tawh thuthung ka siam un; bangti’n em nungak ka et thei ding?

SAM 119:113

Lungthim mumal neilote chu ka hua hen, la dan vang ka ngaina ahi.

SAM 119:37

Bangmalo mai mai en lo dingin ka mit kaihei inla, la lung lam in hinna ei pia’n.

SAM 125:5

A lampi kawi ua chiapette vang, Lalpa‘n thil phalo bawlte chu tawh gawt khawm ta’n a. Israelte chung ah thamuanna um ta hen!

SAM 139:22

Amau chu huat takzet in ka hua hen; ka mêlmate lak in ka sim khawm tai.

SAM 14:3

Lam dik ah kipat in a pêt mang suak tau a, a leng un a pêt mang chiat tau hi; kuama thilpha bawl a um ta puau a, pakhat chale a um ta puau hi.

SAM 36:3

A kam ua thupawtte chu gitlona leh, thepna thu ngen a hisek in; chingthei tak leh pha tak ah bawl a haisan tau hi.

SAM 39:1

“Ka lei ah thil ka hikhiallona dingin, ka umdante hi vop pha’ng ka tin; mi nunsiate’n ei umpi lai siau, ka kam hi kam kânna’n huktup ing ka,” ka ti’n.

SAM 40:4

Kisatheite lam leh pathian diklo lam, zuan ah pêtmang lo ah, Lalpa kingakna neite chu mi hampha a hiu.

SAM 41:9

Ka gual ngai pen, ka ginchak ma ma, ka vaithum nêkpi natiang in, ka siatna ding tup in, a kengtaw ka chung in a lâm tai.,

SAM 78:41

Pathian chu a vêl vêl ah a la patep in, Israel Mithiangtho a la cho lungna sek ui.

SAM 78:57

kihei mangsan nalai in, a pu leh pateu gual ah, ginum lo tak in a gamta tau ah; thalpi lamzang lo gual in a pêt kawi tau hi.

SAM 97:10

Gitlona haw zosia chu Lalpa‘n a kipakpi hen; a mi ginum zosia a vêng bit sek in, mi nunsiate khut ah kipat in a hukdok sek hi.

PAWTDAWNA THU 20:17

La Invêngte thil nei awtcha kin; la Invêngpa ji a hem, a suakpa a hem, a suaknu a hem, a bawngchal a hem, sabiltung a hem a thilneite him him la ên lo ding ahi.

PAWTDAWNA THU 32:8

ka thupiakte chu kin tak in a kiheisan zo tau: Bawngno lim a kisun un, a ho un, a kiang in kithoina bawl in, ‘Aw Israel, ziate hi Aigupta gam ah kipat hun puidok pathiante chu a hiu,’ a ti zo tau hi,” a tia.

THUPILTE 6:12

Mi gi’nalo leh phalo chu dangnal tak in a vak tawl tawl in,

THUPILTE 6:13

a mit ah mi ho in, a keng in thu a gen ah, a khutzung in mi a hil sek ah;

THUPILTE 6:25

La lung in a mêl hoina chu tha lâ kin la, a mittêt hawina’n hun hîp in, hun man ki’hen;

THUPILTE 8:13

Lalpa launa chu thil phalo huatna ahi. Chapona leh kihisakna leh, thil phalo chîngte leh a kalek ah thugente hi, ka huat lam tak ahi.

THUGENTU 6:9

Duthusam mai mai sâng in mit ah mu ngei chu a pha zaw’n; zia hile bangmalo mai mai leh lunggimna bep ahi.

ISAI 30:11

zia lampi chu nusiau inla, lampi chu pet mangsan tau in; Israel Mi Thiangthopa chu ka ngai nuam ta puau hi,” tiu in.

ISAI 33:15

Kuale dik tak ah tawi ah, dik tak ah thugen a, mi neisa lâkpiak ah punna doi lo ah, gawlgûkna la’lo ding ah a khut kaimang ah, thisan sua’na ding thu hetkhâk ding lau ah kivêng sek ah, thil phalo mu ding nuam lo ah mitsîng sekte chu,

JEREMIAH 22:17

Himaleh, la mit leh la lungthim chu vang, la lawkna diklo takte chung bep in a chu’n; tichun, maw’na beite thisan sua’na ding leh, thagum sua’na ding bep la ngaitua hi.

MIKAH 2:2

Midangte lou a awtchau ah, zia chu thagum in a lak piak sek un; midangte In a eng un, zia chu thagum in a lak piak sek un; In leh a neitu chu a bawl genthei ma ma sek un, mihing leh a gochanteu a nuaisiau hi.

ZEKARIAH 8:17

midangte siatna dingle la lungthim un ngaitua kiu inla, zuau thu ah kitiamna ngaina kiu in; zia zosia hi ka thil huatte chu ahi, ti hi Lalpa kamsuak chu ahi.

MATTHAI 5:28

Kei vang in, kuale numei tatsiatpi ding et ah en tapo chun, a lungthim in a ângkawm zo ahi tai ti ka hil la hiu.

ROMTE 12:9

Hepina chu dawha panglo hihen la. Thil phalo chu huau inla, a pha chu tudet tau in.

GALATIA 4:9

Tu’hin, Pathian la hun het ua, Pathian mi het la hung hi’nung un, ti ding ahi zaw’n, thubul jawngkhal leh manlo suak ah um kit nopna lam ah bangatia kihei kit la hiu em?

DAN LEKHABU 13:17

Tu’ni ka thupiak dungzui ah, Lalpa la Pathian mit muu ah thil dik la hiu ah, Lalpa la Pathian thugen zosia la zui phot uh chun,

DAN LEKHABU 15:9

“Kum sagi’na, kingaidamna kum a nai ta hen,” ti ziak ah la Invêng tasam kiang ah bangma penuam lo leh mudana lungthim sia leh diklo la nei lona ding un chingthei tau in; achutiloleh, Lalpa kiang ah kiko intiu in, nang in a mawpaw khan lau.

HEBRAITE 10:39

Himaleh, ei haw vang mangthai ding ah kinungtawl pawl I hipuau a; hukhinna chang ding ah gingte I hizawu hi.

JOSHUA 23:6

Ziaziakchun, Mosi dan lekhabu ah kizik zosia kha, veilam leh changlam a hem ah pêtsan lo dingin, gunchu tak ah ensui ding leh bawl dingin chingthei tak in um unla;

2 PETER 2:21

Dikna lampi a het nung un thupiak thiangtho a kiang ua vopsak ah um chu nungngatsan kit sâng in, dikna lampi chu helo hizaw maileu amau â dingin phazaw ding hive’n!

1 JOHAN 2:19

Amau chu I pawl ua kipat a pawtdok tau a; himaleh, I pawl ua pang ahi puau hi; I pawl ua mi hileu chu I lak un um zing ding ahi ngal un. Himaleh, I pawl ua mi a hi’lo dan uh kichetna dingin a pawtdok tau hi.

1 SAMUEL 15:11

“Leng ding ah Saul ka la guat hi ka kisik hi, ka thupiakte zui lo hial in ei kinungheisan ta’ngâl a,” a tia. Samuel chu lungna tak kawm in jankhua’n Lalpa chu a ko ta ahi.