SAM 101:2 - PATHIAN LEKHABU THIANGTHO (BSI)

² Demna bei lampi chu zil ing ka. Zia chu bangtik leh ka chang diam? Ka In sung ah thinlung thiangtho in um ing ka.

SAM 101:2 ပူးပေါင်းရင်းမြစ်များ

THILSIAM THU 18:19

Lalpa lampi a hawtheina ding un, a nung ah a chate leh a Inkuante, thil dik tak ah hiding leh, vaihawm gual ah um ding ah thu a piak theina dingin ama chu ka guat ta’ngal in; a chungchâng thu Lalpa’n a gen chu Abraham chung ah a tunsak theina dingin,” a ti’n.

2 SAMUEL 8:15

Tichun, David in Israelte zosia chung in vai a hawm ta’n; chuleh, David in a mipi zosiate chung ah thudik leh doichuam nei lo in vai a hawm a.

1 LENGTE 11:4

Solomon a hung têk phatin, a jite’n a lungthim chu pathian dangte lam in a heimang tau ah; a pa David lungthim dik gual ah khan a lungthim chu Lalpa a Pathian lam in a dik ta puai.

1 LENGTE 9:4

Nangma la hileh, la pa David ka mit mu ah lungthim diktatna leh phatna ah a la um gual ah la um ah, ka thupiakte zosia dungzui ah la bawl ah, ka thugelte leh ka dan bawlte zosia la vop zing ahi chun,

2 KHANGTHU 15:17

Israelte lak in vang thoimualte chu suksiat in a um puai. Asa chu vang a dam sungsia’n lungthim dik tak in a um zing hi.

2 KHANGTHU 30:12

Judai gam ah mite chung ah Pathian in na a sep ziakin, lengpa leh a khawnbawlte chun Lalpa thugen dungzui ah thu a piakteu chu, lungthim kithu gual tak ah zui dingin a hung kipe tau a.

SAM 101:6

Zia gam ah mi ginumte chu, ka doisakna mit in en ing ka tin, ka kiang ah a chênden theina ding un; demna bei ah um taphot chun ka na sêm in au.

SAM 119:106

La vaihawmna dik zosia zui dingin, thuthung ka siam in, ka hi’det ngal tai.

SAM 119:115

Ka Pathian thupiakte chu ka vop phat theina dingin, nanghaw thil phalo bawl zosiate haw, ei nusia sik sek tau in.

SAM 26:11

Kei vang lungthim dik tak pu’n um ing ka tin; ei hukdok inla, ei lungsiat ta’n.

SAM 40:17

Kei vang, genthei leh chaga ka hi, ahi’n, Lalpa‘n ei ngaitua piak zing hi. Nang chu ei panpipa leh ei hukdokpa la hi. Aw ka Pathian, hung muangchâng kin.

PAWTDAWNA THU 20:24

Keima â dingin lei ah hin mâichâm ei siam piak inla, zia chung ah chun la hâlmang thillatteu leh la kichamna thillatteu, la belamteu leh la bawngteu la hun lat sek diu ahi: ka min hetzingna taphot ah chun hung ing ka tin, hun maljawl ding ka hi’ngal a.

ISAI 38:3

“Aw Lalpa, tu’hin hezing in, ka lungthim zosia’ ginum tak ah la mit mu ah ka umdan leh, la mit mu ah thilpha bep ka bawl sek dante hi hezing in, ti’n ka hun ni hi,” a tia. Tichun, Hezekiah chu ha-kâ in a kap tai.

DAN LEKHABU 6:7

In ah la um unle, khual gam ah la um lai unle; la lup unle, la thaw daw unle la chateu het ah la gennon zing ding uh ahi.

JOSHUA 24:15

Tu’hin Lalpa nasep ding chu nuam lo la hiu leh, tu’ni ma ma hin kua pen na sêm ding la hiu em, la pu leh pateu in Luipi gâl lam ah pathiante na a la sep piak uh kha ahi em; ahiloleh, la luanau gam ah Amorte pathiante a hizaw diam, ti têl ngâl un. Kei leh ka Inkuante’n vang Lalpa na bep sêm ing kau, ti’n a dawnhu a.

1 SAMUEL 22:14

Ziaphatchun, Ahimelekh in lengpa chu a dawnhu ah, “La suakpa David gual tuk ah ginum kua dang a um em? Ama chu lengpa mâkpa le hi, a bawl ding la ti taphot bawl ziang leh, la Insung ah mi za-um ahi nalai a.