SAM 100:2 - PATHIAN LEKHABU THIANGTHO (BSI)

² Kipak pum in Lalpa biau inla, La sa pum in a ma’n hung tau in.

SAM 100:2 ပူးပေါင်းရင်းမြစ်များ

1 LENGTE 8:66

A ni giat ni chun mipi chu a pêl sak tai; lengpa chu maljawlna a piau ah, Lalpa‘n a suak David leh a mipi Israelte chung ah phatna a latsak zosiate ziak ah kipak leh lungthim tai tak in a puanbûk lam chiat un a chia kit tau hi.

2 KHANGTHU 29:30

Lengpa Hezekiah tawh a milian leh lalte chun, David La phuakte leh thiamgau Asaph La te chu Lalpa pâkna ding ah sa dingin, Levi mite chu thu a piau a. Lim tak in pâkna La te chu a sau ah, Pathian ho in a bokkhup tau hi.

2 KHANGTHU 31:2

Thiampute leh Levite chu a pawl pawl un, a sepnau dungzui chiat leh a sep dan dungzui chiat un Hezekiah chun a hawm jak ah; thiampute leh Levite chu hâlmang thil lân dingte, kichamna thil lân dingte, Lalpa huang kotbul ah choihoina La sa ding leh kipak thu gen dingte in a hawm gual a.

SAM 42:4

Ka hinna ka butthâk phatin, zia thilte hi ka hun he tai: mipi tawh kiton ah, limna leh pâkchâtna gi tawh, mi tam tak kût ni Pathian In zuan ah, ka pui lai hunte kha.

SAM 71:23

La pâkna La ka hun sak phat leh, ka mûk hi lim ah kiko in, ka hinna la hukdaw hile lim ta’n a.

SAM 95:2

Kipak thu gen kawm in a ma ah chun, chia khawm hitiu in; ama chawihoi ah pâkna La sa’n, lim tak in aw sua hitiu!

DAN LEKHABU 12:12

Chun, Lalpa la Pathian uh ma âng ah chun, nang uh tawh, la chapa leh chanuteu, la suakpa leh suaknuteu tawh, la In huang sung ua Levite tawh (amau chun nang uh lak ah chanvo chuam a nei paw’ngâl un) lim tak in la chêng khawm ding uh ahi.

DAN LEKHABU 16:11

Lalpa la Pathian un a min umna ding ah a guatna mun ah chun, nang tawh la chapate, la chanute, la suakpa leh la suaknute, la lak ua um Levite, gam dang mite, nauchagate leh meithâite chu tawh la leng un, Lalpa la Pathian uh ma-âng ah lim tak in la ûm khawm ding uh ahi.

DAN LEKHABU 16:14

Zia kût ah chun, nangmau leh la chapateu, la chanuteu, la suakteu pawsal leh numeite, la khaw sung ua chêng Levite leh gam dang mite, nauchagate leh meithâite tawh lim tak in la chêng khawm ding uh ahi.

DAN LEKHABU 28:47

Bangkim kiningting tak ah a hun piakna chung inle, Lalpa la Pathian na kipak leh lungthim thanuam tak ah la sep piak nop lo ziak un;

PHILIPPI 4:4

Lalpa ah chun kipak un; ti kit ngen ing ka kipak un.