SAM 10:9 - PATHIAN LEKHABU THIANGTHO (BSI)

⁹ A mit un panpi ding neilote a en-gu sek ui. Sakeibaknei in a kaw sung ah a chângûk sek gual in, migenthei man dingin a chânggu sek un; migenthei chu a man ngei un; tichun, a lên un a kaimang sek ui.

SAM 10:9 ပူးပေါင်းရင်းမြစ်များ

JOB LEKHABU 38:40

a kuau ah lupsak hiat hiat in, nêk ding ngak ah kiselte chu, a nêk ding uh pia thei ding la hem?

SAM 109:31

Tasamte panpi vak ding leh a thi’na ding ua, thiamlo chansakte khut ah kipat a hukdaw ziakin.

SAM 12:5

“Chagate chom gam ziak leh, tasamte a thûm ziak un, tu’hin kipan ing ka tin, a duthusam gual un bit tak in umsak ing ka,” Lalpa‘n a tii.

SAM 140:5

Mi kiletsakte chun ka awkna ding thâng a kam un, lênthâng khauhualte a jak un, lamdung in ka awkna ding thâng a kam ui.

SAM 17:12

Amau chu sakeibaknei sa pet tel nuam ma ma leh, sakeibaknei vânglai, mi chânggu’ munthip ah bok zing gual chu a hiu.

SAM 35:10

Ka gu leh châng zosia hin: “Aw Lalpa, nang in migenthei chu, a la’n zaw guallote lak ah kipat in la hukdok in, genthei leh tasamte amau hi’gampa lak ah hukhingpa, nangma gual kua a hem um ngai,” hun ti’n au.

SAM 37:14

Gentheite leh tasamte nuaisia ding leh, dik tak ah umte that dingin, mi nunsiate chun a chemjam uh jukdok in, a thalpiu a lawi un;

SAM 59:3

Tu’hin le ka hinna ngâk in ei chânggu zing un; mihatte chu ei soisa dingin a pung khawm ui.

THUPILTE 14:31

Michaga hi’gentheite chun a siampa simmaw ahi’n; tasamte somdawlte chu vang a siampa jabawl a hiu.

THUPILTE 22:16

Ama lawkna ding ngaituana ziak ah michaga tawden ah, mi hausa kiang ah petu chu tâksap khawlaw in a.

THUPILTE 28:15

Migentheite chung ah vaihawmtu gilo chu, sakeibaknei hâm leh savom hâng mi del tawhbang ahi.

ISAI 3:15

Migentheite la gawtnawi un, ka mipite la khet gawp uh chu, bang la ti’nau ahi em? Sepai honte Lalpa Pathian in a tii.

ISAI 32:7

Michavaite chu chavai tak ah um in, thil phalo ngen a ngaituau a; migentheite siatna ding ngaitua’n zuau a gen un, mitasamte dikna thu le a le’lam in a heimang sek ui.

JEREMIAH 5:26

Ka mipite lak in michavai mu in a um ta’ngâl a. Midangte neithil a lâkpiak ui. Vacha mante gual in thâng a kam un, mihingte a man sek ui.

KÂ LATE 3:10

Kei â dingin savom mi chânggu leh, sakeibaknei kisêlgu gual ahi’n;

EZEKIEL 22:29

A gam ah mipite’n mi van neisa lâkpiak a chîng un, mi a suam ui; migenthei leh tasamte a tawden un, a ziak umlo in gamdang mite thil a lâkpiak sek ui.

AMOS 3:4

Gammâng ah sakeibaknei in mat ding nei lo in, bangti’n kitum ding a hem? Bangma that lo in sakeibaknei vanglai a kul sung in, a mawk ngîk ngai em?

MIKAH 7:2

Lei chung ah hin mi ginum a um ta pua’n, mi diktat him him le a um ta puai; thisan sua ding châng in a um zo tau in, mitin in mi dang khat chiat lên in a ngîm tau hi.

HABAKKUK 1:15

Mêlma chun a leng un, ngakuai in a khaidok in, a lên in a huidok un, a lên lian un a huidok khawm ui; tichun, a lim in, a kipak ma ma hi.

HABAKKUK 3:14

Migentheite la nêk zaw ding uh lau ah kisêlte, chîmpei in a mut jak gual ah, naw mang gawte lak ah gâlhatte chu, a thalchang un a luchang uh la kâpthil piak tai.

ZEKARIAH 11:3

Belampute lopina suam a hiziak ah, a kâ thawm uh chu ngai un! Jordan gammâng suksiat ahi tâk ziak ah, sakeibaknei kitum git chu ngai un!

JOHAN 10:12

Belampu tak hilo ah, sumthalawte, a belamte neipa hilote vang chun, ngei hung a mu tak leh, a nusia vak ah, a jamsan ziang sek hi; zia tak chuleh ngei chun amau haw chu man in, belamte chu a jam chek ta sek ui.

NASEPTE 23:21

Himaleh, a vaisawm uh chu a la pom kin, ama chânggu dingin mi sawmli hial kitiamna nei a um tau hi. Ziate chun Paul a thalup masiau bangma ne leh dawn lo dingin a kitiam tau hi. Tu’hin nangma ah kipat thu hung pawt ding chu ngâk in a um zing ui,” a tia.