SAM 1:1 - PATHIAN LEKHABU THIANGTHO (BSI)

¹ Mi nunsiate thuhilna zui ngai lo a, mi nunsiate lampi’le ding ngai lo a, mi musitte chutpha’le kichu ngailote chu mi hampha a hiu;

SAM 1:1 ပူးပေါင်းရင်းမြစ်များ

THILSIAM THU 49:6

A vaihawmnau ah chun ka thagau le vapang ngai pua’n tin; a kipawl khawmna lak unle vapang pua’ng ka, a lung uh a nat in mihing a that un, kihelna’n bawngchal zagui a sâttan un.

THILSIAM THU 5:24

Enok chu Pathian tawh a kivop zing nalai un; chun, ama chu Pathian in a lâkmang tâk ziakin, a um ta puai.

1 LENGTE 16:31

Nebat chapa Jeroboam gitlonate zui chu thil bailam ah ngai in, Sidon te Lengpa Ethbaal chanu Jezebel chu ji’n a hang nei ah; a chia ah, Baal na chu sêm in a ho tai.

2 KHANGTHU 22:3

A nu chu nunsiat dan nunmu pen ah pang ahiziak in, ama’nle Ahabte Inkuan dung chu a sûn hi.

JOB LEKHABU 10:3

La khutsuak hi tawden in, la musit ah, mi nunsiate thil guanggal la doisak hi, la ngai ah thil kilawm a hem?

JOB LEKHABU 21:16

A neinungnau bep chu a lawchâk uh hilo a hem? Mi nunsiate guanggalna chu ka ki’dak lam tak ahi.

JOB LEKHABU 31:5

Diklo tak ah a la um hin, ka keng a thepna lam zuan ah, jangkhai tak ah kalsuan ka la hi chun,

SAM 1:6

Lalpa‘n mi dikte lampi chu a entha zing in, mi nunsiate lampi chu vâng mangthai ding ahi.

SAM 106:3

Vaihawmna dik zuite chu mi hampha a hiu in, bangtik lai ah le dik tak ah bawl zingte ngei chu.

SAM 112:1

Lalpa chu pâk un! Lalpa laute chu a nau a vak hi; a thupiakte ah nasa tak ah kipak mite chu.

SAM 119:115

Ka Pathian thupiakte chu ka vop phat theina dingin, nanghaw thil phalo bawl zosiate haw, ei nusia sik sek tau in.

SAM 144:15

Zia gual vangphatna dong namte chu mi nuamsa a hiu; Lalpa, Pathian ah nei mite chu mi nuamsa a hiu.

SAM 146:5

Jakob Pathian in a panpite chu mi hampha a hiu; Lalpa a Pathian ua kinepna nei mite ngei chu;

SAM 146:9

Lalpa‘n gamdang mite chu a vêngpha sek hi; nu leh pa neilote leh meithâite a khawtua in, mi gilote lampi’n vang siatna a tun sek hi.

SAM 2:12

a keng hung chawp tau in; a chutiloleh, lungna’n tin, lam kâl ah mangthai kha’n lau; a lungnatna chu kuangjak pai ziang ahi ngal ah. Ama bêl zosia chu a hamphau hi.

SAM 26:12

Lau umna zosia lak ah ka bit ta’n; kikhopna thupi tak ah chun Lalpa pâk ing ka.

SAM 34:8

Aw, Lalpa phat dan chu tep in hechian ma tiam un; ama bêlte chu mi hampha a hiu.

SAM 36:4

A khum laizawl un thil phalo a suangtuau ah; thil sia bawlna lampi chu a zui un, thil phalo a haw puau hi.

SAM 64:2

Migilote ei tup gûknau lak ah kipat in ei selgu’n la; thil phalo bawlte’n a gûk ah, thil sia ahi guatnau ah kipat chun,

SAM 81:12

Tichun, a lungthim nop gual gual ua um dingin, ka thathawt ta ahi.

SAM 84:12

Aw, sepai honte Lalpa, nangma hun taksang taphot chu mi hampha a hiu.

THUPILTE 1:15

ka cha, amau lampi chu zui kin la, a lampiu ah kipat kikoi kâng in;

THUPILTE 1:22

Nang uh mimawlte haw, bangchan a hem mawlna la ngainat ding uh? Bangchan a hem mi dâi chavaite daichâkvaina la limpiu ah, mingolte’n hiatthiamna a huat ding uh?

THUPILTE 13:15

Hetthiamna nei chun doisakna a dong in, hetthiamna beite lampi chu siatna ahi.

THUPILTE 13:20

Mipil tawh kivop chu pil intin; miphalote lawi pawlna chun vangsiatna a tun sek hi.

THUPILTE 19:29

Maw chansakna chu mi simmaw hatte â ding ahi gual ma’n, vokna mol chu mingol tungtûn â ding ahi.

THUPILTE 2:12

Thil phalo lampi kipat hun hukdok ding leh, chinchan beite thugen ah kipat hun hukdok dingin;

THUPILTE 3:34

Mi nuaisiate chu a nuaisia sek in, mi kingaitawmte chu a doisak sek hi.

THUPILTE 4:19

Mi nunsiate lampi chu, khûk thim tak gual ahi’n; a bang pen ah kisui a hiu le a hethei ngai puau hi.

THUPILTE 9:12

La pil chun nang â ding ah pil la hi’n; la musit chun nangma bep in thuak in la.

JEREMIAH 15:17

Nunnop bawl mite lak in ka kichu pua’n, ka limpi diak puai; la khut delgikna nuai ah kei ngen in ka kichu sek a, nang in lungkim lona’n lei sungdim ta’ngal a.

JEREMIAH 17:7

Lalpa chung ah kinga leh, Lalpa bep suangte chu mi hampha a hiu.

EZEKIEL 20:18

Gamthip ah khan a chateu kiang ah, la nu leh pateu dan zui kiu inla, a thuguat uh le mang kiu inla, a milimteu inle kisubuak kiu in, ti’n ka la gen ta ahi.

MATTHAI 16:17

Jesu’n a kiang in, Simon, Jonah Chapa, la hamphai! Taksa leh thisan in a hun hiatsak a hipua’n, van ah ka Pa’n a hun hiatsak ahi zawi.

LUKA 11:28

Himaleh, ama chun, “Ahi, himaleh, Pathian thu he ah zuite chu mi hampha zaw a hiu,” a tia.

LUKA 23:51

Ama chu a vaihawm lai ua a thiltup dan uh doi lo ah a la pang him kha a la hi’n. Judate khua Arimathai mi ahi’n. Pathian gam a la ngâkla ma ma khat ahi.

JOHAN 13:17

Zia thilte hi la het ua, la hun bawl ua leh hampha ma ma in lau.

JOHAN 20:29

Jesu’n a kiang in, “Thoma, nang in lei mu ziak ah ei gingcha la hi maw? Mulo ah ei gingte chu mi hampha a hiu,” a tia.

ROMTE 5:2

Ama ziak ma in, zia lungsiatna I din detnau ah hin I lut tau in, Pathian lopina kinepna chun kipak tak in I um ui.

EPHESA 6:13

Ziaziakchun, ni phalo ah chun la do zawu ah, la zaw nung ua le kipuk lo ah la din zing theina ding un, Pathian gâlvan bukim ah chun kithuam un.

DAN LEKHABU 14:6

Bang sa hilehle a tin kikâ, annêlthâi taphot chu nethei in lau.

DAN LEKHABU 33:29

Aw Israel, la hampha nau e! Nanghaw tawhbang ah, Lalpa‘n a hukdaw namte, nangmau panpitu phaw leh, la hatnau chemjam chu ahi! La nuai ua kitulut dingin, la mêlmateu hung intiu in, a tungtûn uh chuan den ta’n lau.

1 PETER 4:3

Jentelte doigual hinna: Hûkna, taksa nopna, zukhamna, zumun limna leh ki’dak um tak ah milim honate, tu’ma lam ah te kha hun ta hen.

THUPUAN 22:14

Hinna thing chung ah thu a neitheina ding uh leh, khawpi kul kotkhak ah a lût theina ding un, a pua’n uh sawp thiangte chu a hamphau hi.