RUTH 4:6 - PATHIAN LEKHABU THIANGTHO (BSI)

⁶ Ziaphatchun, a gamngâk ding pa chun, “Chuti ahileh vang ke’n tan thei pua’ng ka, keima go le ka enkol zo paw’ngal in. Tattheina chu nang in chang inla, kitat mai ta’n, ke’n tan theilo ding ka hi’ngal in,” a ti tai.

RUTH 4:6 ပူးပေါင်းရင်းမြစ်များ

THILSIAM THU 38:8

Judah chun Onan kiang in, “La u ji luppi inla, ama â dingin chi la suan piak ding ahi,” a ti’n.

THIAMPUTE LEKHABU 25:25

La suapi hung genthei in, a gothil khenkhat zuakdok taleh; a chanau kinaipi khat hung in, a suapi’n a zoksa chu a hung tatdaw kit ding ahi.

DAN LEKHABU 25:7

Ahi’n, ama chun a suapipa ji chu a kichenpi nop lo leh, a suapipa ji chu kulkot ah upate kiang ah chia intin, a kiang un, “Ka pawsal suapipa’n Israel lak ah a suapipa min man lona ding ah a bawl ding dawl a bawl nuam puai,” a ti ding ahi.

DAN LEKHABU 25:8

Ziaphat chuleh, a khuau ah upate chun ama chu ko in, kihopi in au. “Ama chu ka kichenpi nuam puai,” a ti tei tei chun,

DAN LEKHABU 25:9

a suapipa ji chun upate lak ah ama vanai intin, a kengtawdap sût piak intin, a maichang ah a chilsiat khum intin, “A suapipa Inkuan siampha nuamlote chu zia gual hin bawl hijel hen,” ti’n a sam ding ahi.

RUTH 2:20

Ziaphatchun, Naomi’n a monu kiang in, “Lalpa, mithi leh mihing chung ah ja’ngaina danglam lo pa min chu chawihoi in um ta hen!” a ti’n. Naomi ma ma chun, “Zia pa chu I chanau kinaipi pen uh ahi,” a ti’n.

RUTH 3:13

Tu’jan giakden inla, jingkal leh la gamngâk ding pa chun a bawl ding dawl la chung ah a bawl chun, a pha himai intin. Ahi’n, la chung ah a bawl ding dawl a bawl nop lo chun, Lalpa chu a hinzing ziakin, keima’n gamngâkpa bawl ding dawl chu la chung in bawl na’ng ka,” a ti tai.

RUTH 3:9

Ama chun, “Kua la hem?” a ti’n. Ruth chun, “Keima Ruth, la suaknu ka hi; la suaknu hi ei luppi in, ka chanau kinaipi la hi’ngal a,” ti’n a dawnhu a.