RUTH 4:13 - PATHIAN LEKHABU THIANGTHO (BSI)

¹³ Tichun, Boaz in Ruth a kipui ah, a ji a hung hi tai. A hung um khawm phat un Lalpa‘n nau a hun vopsak ta’n, chapa khat a hun hing tai.

RUTH 4:13 ပူးပေါင်းရင်းမြစ်များ

THILSIAM THU 20:17

Chun, Pathian kiang in Abraham a pauchap ah: chuleh, Pathian in Abimelekh tawh, a ji tawh a suak nungakte chu a sudam kit ah, chate le a hun nei thei kit tau a.

THILSIAM THU 25:21

A ji chu a chîn ziakin Isak in Lalpa kiang in a don ah: Lalpa’n a dotna a lawtin ta’n; a ji Rebekah chun nau a hun vop tai.

THILSIAM THU 29:31

Chun, Lalpa’n Leah chu muda in a um hi ti a he’n, a sûl chu a hon piak ta’n; Rakhel vang chu a chîng tai.

THILSIAM THU 30:2

Chun, Rakhel chung in Jakob a lungna ta’n: “La gil ah ga hun pia phal lo Pathian thasâng ah um ka hia ah a hem?” a tia.

THILSIAM THU 33:5

Chuleh, Esau chu a vak dâk ah, numeite leh naupangte chu a mu ta’n: “La hun puite hi kuate a hiu em?” ti’n a dong a. Ama chun, “Pathian in a lungsiat ziak ah la suak kiang ah a piak naupangte a hiu,” ti’n a dawnhu a.

SAM 113:9

Numei chîng chu chênna In a pia’n, chate â ding ah nu nuamsa leh kipak in a siam hi. Lalpa chu pâk un!

SAM 127:3

Chate hi Lalpa ah kipat I gochan uh a hiu a; gil ah ga kipakman a hiu.

RUTH 3:11

Ka chanu, tu’hin lau kin, ka khuau ah mipi zosia hin nangma numei pha tak la hi ti a het uh la hiziak in, la poimaw zosia hun bawl piak ing ka.

RUTH 4:12

chuleh, nangma In sung le Lalpa‘n zia numei thaknu cha leh nau a hun hinsak tak leh, Tamar in Judah a hinpiak Perez In sung gual ah pha thei tak in umsak ta hen,” a tiu a.

1 SAMUEL 1:27

Zia naupang hi donah pauchap ka la hi’ngâlah; chuleh, Lalpa‘n a kiang ah ka dotna chu ei law tinsak ta ahi.

1 SAMUEL 2:5

Mi kiningtingte chun nêk kawm ding a kilaw tau in, mi gilkialte chu vang gâl lâkah suk-hausat in a um tau hi. Cha nei theilonu chun pasagi a nei ta’n, cha tam tak neinu chu a thawmhau tai.