RUTH 4:11 - PATHIAN LEKHABU THIANGTHO (BSI)

¹¹ Ziaphatchun, kul kot bul ah mipi umte leh upa zosia chun, “Kei uh a hiatpite ka hiu; la Insung ah hung lût numei hi Lalpa‘n Israel nam tung dingte ni, Rakhel leh Leah gual in siam ta hen. Nang inle Ephrath ah hin suan leh pâk nei inla, Beth-lehem ah hin min nei tak in um ta’n;

RUTH 4:11 ပူးပေါင်းရင်းမြစ်များ

THILSIAM THU 23:10

Hit mite lak ah chun Ephron chule kichu zing a hia: chuleh, Hit mi Ephron chunle Hit mite het leh a khuau kul kotkhak ah lût tapote het ah chun;

THILSIAM THU 24:60

Rebekah chu maljawlna a piau ah, a kiang in: “Ka suapinuu nang chu, sâng tam tak mun sangsawmte nu hung hi’n la: la suante chun a mêlmateu kul kotkhak lua pek tau hen,” a tiu a.

THILSIAM THU 29:16

Laban in chanu pani a nei ah, a upa zawk min chu Leah ahi’n; a naupang zawk min chu Rakhel ahi.

THILSIAM THU 29:25

Jingkal a hung hi’phat in, Leah a la hita mai ah! Ziaphatchun, Jakob in Laban kiang in, “Ka chung ah la thil bawl hi bangtidan a hem? Rakhel law ding ah nasem hilo ka hem? Bang ding ah ei thêm la hem?” a ti’n.

THILSIAM THU 29:32

Leah chun nau a vop ta’n; chapa a nei in, a min in Reuben a sak ah, “Lalpa’n ka genthei dan a mu ahi hi lam, tu’hin chu ka pawsal in ei hepi ta’n a,” a ti’n.

THILSIAM THU 35:23

Leah chate chu: Reuben (Jakob cha upa pen,) Simeon, Levi, Judah, Issakhar tawh Zebulun a hiu a;

THILSIAM THU 35:24

Rakhel chate chu: Joseph tawh Benjamin a hiu a.

1 LENGTE 21:8

Ahab min in lekhathot a zik ah, a suai a nam ah; Naboth tawh khawpi chêng upate leh miliante kiang in lekhathotte chu a thot tai.

1 KHANGTHU 2:51

Beth-lehem pa Salma tawh Beth-gader pa Hareph a hiu.

SAM 132:6

A thu Ephrathah ah I hiau a, Jaar lou munte ah chun I la mu tau hi.

THUPILTE 14:1

Numei pil chun ama In sung ding a kisiam in, a ngolte chun vang amau khut ngei in a phel jak sek ui.

THUPILTE 31:23

A pawsal chu gam upate tawh, khawpi kul kotkhak bul ah a chut khawm lai unle, hetkhen thei ngal ahi.

JEREMIAH 32:10

Kichawkna lekha ka min zik zo in, ka namdet ah, a hetpi dingle ka siam ah; tichun, a man ding paisa chu bûkna’n ka têdaw piak tai.

MIKAH 5:2

Himaleh, nang Ephrath ah Beth-lehem, Judah phungneute lak ah khat himale chinle, nangma ah kipat in Israelte vaihawm piak ding, mi pakhat hung pawt ding ahi ngal a; a hung kipatna chu nidang lai ah, khanglui hun ah kipat ahi.

MATTHAI 2:6

‘Aw, nang Judai gam ah Beth-lehem khua, Judai gam ah thuneite lak in neupen pua’n la; la sung ah kipat in vaihawmpa hung pawt ding ahi ngal in, ka mi Israelte chingpa ding chu,’ ti hi,” a tiu a.

DAN LEKHABU 25:7

Ahi’n, ama chun a suapipa ji chu a kichenpi nop lo leh, a suapipa ji chu kulkot ah upate kiang ah chia intin, a kiang un, “Ka pawsal suapipa’n Israel lak ah a suapipa min man lona ding ah a bawl ding dawl a bawl nuam puai,” a ti ding ahi.

DAN LEKHABU 25:9

a suapipa ji chun upate lak ah ama vanai intin, a kengtawdap sût piak intin, a maichang ah a chilsiat khum intin, “A suapipa Inkuan siampha nuamlote chu zia gual hin bawl hijel hen,” ti’n a sam ding ahi.

RUTH 1:2

Zia pa min chu Elimelek ahi’n, a ji min chu Naomi ahi; a chapa teni min chu Mahlon leh Khilon a hiu a; amau chu Judah gam ah Beth-lehem khua Ephrath suante a hiu a. Moab gam in a chiau ah, a hung chêng den tau hi.