RUTH 3:9 - PATHIAN LEKHABU THIANGTHO (BSI)

⁹ Ama chun, “Kua la hem?” a ti’n. Ruth chun, “Keima Ruth, la suaknu ka hi; la suaknu hi ei luppi in, ka chanau kinaipi la hi’ngal a,” ti’n a dawnhu a.

RUTH 3:9 ပူးပေါင်းရင်းမြစ်များ

EZEKIEL 16:8

La kiang hun haw in, ka hun et kit leh, dawichâk ah ngai thei la hung hi tai. Ka puanâk chual mong la chung in ka kaipal ah, la ngawnchang hi’na chu ka khû tai; la kiang in kitiamna ka nei in, nang tawh I kikâl in thuthung ka siam a; tichun, nang chu kei â la hung hi tai, Lalpa Pathian in a ti ahi.

LUKA 14:11

Ama kingaisangte chu suktawm in um intiu in; ama kingaitawmte chu vang choisa’n in um in au,” a tia.

RUTH 2:20

Ziaphatchun, Naomi’n a monu kiang in, “Lalpa, mithi leh mihing chung ah ja’ngaina danglam lo pa min chu chawihoi in um ta hen!” a ti’n. Naomi ma ma chun, “Zia pa chu I chanau kinaipi pen uh ahi,” a ti’n.

RUTH 3:10

Boaz in, “Ka chanu, Lalpa‘n maljawl ta hen; a tawp tiang ah la ginumna hi a masa sâng in a pha zawi; tangval dang a hausa a hem a zawng a hem khat zui lo ah la um hi.

RUTH 3:12

Chuleh, kei hi la chanau kinaipi ka hi ti chu a dik hi; himaleh, kei sâng ah la kinaipi zawk khat a um hi.

RUTH 3:8

Jankim vêl in, Boaz chu a dip a phuzok ah, a kihei leh a kengbul in numei khat a la lum ta mai a.

RUTH 4:4

Ke’n la nangma hun hiatsak phot chu thilpha hi ah ka het ziakin, zia gam bek khat ka mipite zia kitungte lak ah upate mit mu ah hin, kitat ding la hem ti ka hun dong chian nuam hi. La kitat ding leh tan ziang inla, la tat lo ding leh vang ei hil in ka he nuam hi; nang tilo zia gam tan ding chu mi dang a um paw’ngal in; nang bân ah tan thei ding chu keima ka hi,” a ti’n. Ama chun, “Tan ing ka,” a hun ti tai.

RUTH 4:6

Ziaphatchun, a gamngâk ding pa chun, “Chuti ahileh vang ke’n tan thei pua’ng ka, keima go le ka enkol zo paw’ngal in. Tattheina chu nang in chang inla, kitat mai ta’n, ke’n tan theilo ding ka hi’ngal in,” a ti tai.

1 SAMUEL 25:41

Ama le a kipan ah, leitual si’n a bokkhup ah, a kiang un, “La suak uh hi ka lalpa suakte keng sil piak ding ah kilawm bep ka hi hilam,” a tia.