RUTH 3:7 - PATHIAN LEKHABU THIANGTHO (BSI)

⁷ Boaz in a nêk leh a dawn zaw phatin, lungthim tai tak in, buvûm gei ah lum dingin a chia tai. Ruth a gûk ah chia in, Boaz keng lam ah puan hawk in, a kiang in a lum tai.

RUTH 3:7 ပူးပေါင်းရင်းမြစ်များ

THILSIAM THU 43:34

Joseph dawkân ah kipat chun an nêk dingte chu a hawm jak un; Benjamin chanvo chu a dang cheng â sâng in ale’ nga’n a tam zawi. Tichun, uain a dawn ua, ama tawh lim tak in a kipawl khawm tau hi.

2 SAMUEL 13:28

Ziaphatchun, Absalom in a suakte chu thu a pia’n, “Amnon zukham ah lim tak ah a hung um hun chu a la entha zing unla; chuleh, keima’n la kiang ua, ‘Amnon chu sat un,’ ka hun ti phat leh ama chu la tha ziang diu ahi. Lau kiu in; keima thu hun piak hilo a hem? Hang tak leh kipawsalsak tak in um un,” a tia.

1 LENGTE 21:7

A ji Jezebel in a kiang in, “Tu’hin Israelte chung ah hotu la hi pua a hem? Thodok in an ne’n la, kipak tak in um in; Jezreel mi Naboth grep huan chu hun pia ding ka hi,” a tia.

ESTHER 1:10

Ni sagi a ti’n ni’ lengpa lungthim chu uain in a suklimte’n phat in, Lengpa Ahasueras â ding ah siamâng ah pangte Mehuman, Biztha, Harbona, Bigtha leh Abagtha, Zethar leh Karkas, mi tilge sagite chu sawl in,

SAM 104:15

mihing thinlung kipaksak dingin uain la pia’n, a mai taina ding sathau tawh, a thinlung suk-hatna ding vaithum le la piai.

THUGENTU 10:19

Limna dingin luaithena siam ahi’n, uain in hinna a hitai in; dangka chu thil zosia awnghukna’n a pang hi.

THUGENTU 2:24

Mihing â dingin ne leh dawn ah um ah, a sep gimnau ah kipakna a mu khêl ua thil phazaw a um puai. Zia hile Pathian khut ah kipat bep ahi ti chu ka mu ta’n;

THUGENTU 8:15

Nuam tak ah um hi pha kasa tai; khawvel ah hin mihing in nêk leh dawn ah a kihilim khêl ah pha a um puai, ka ti ahi; Pathian in khawvel ah damsung hun chomcha a piak sung ah hin, a sepgimna ga a kinêk khêl ah pha ka mu paw’ngal a.

THUGENTU 9:7

Chia inla, kipak tak in la vaithum ne’n la; lim tak in la uain dawn in; la thilbawl zosia chu masanglai ah kipat khan Pathian in lem a saksa a la hita ngal a.

1 KORINTH 10:31

Chutichun, la nêk unle, la dawn unle, la thil hi’ taphot uh chu, Pathian lopina ding bep in hiu in.

EPHESA 5:18

Zukham in um kiu in; zia ah chun kisûm lona a um sek hi; zia sâng ah chun Thagau in dim zaw tau in.

VAIHAWMTE 16:25

Chun, a lungthim uh a hung lim ma ma phatin, “Samson chu vako un, kichawlimna’n mang hitiu,” a tiu a. Tichun, suangkul ah kipat in Samson chu a vapui dok ua, nunnop bawlna’n a mang tau a. Khuam pani kikâl in a din sak tau a;

VAIHAWMTE 19:22

Chutia, lim leh kipak tak ah a um lai ua chun, khawpi sung ah michavai hon khat hung in, zia In chu hun ûm in, kotkhak chu a chûm tau a. Inneipa têksepu kiang ah chun, “La In ah hung tung pa kha ei hun pedok in, ka kipawlpi nuam ui,” a tiu a.

VAIHAWMTE 19:6

Tichun, a paniu ah kitung in, a ne un, a dawn kit tau ah; chuleh, a sungpa’n a kiang in, “Tu’jan giak kit unla, nuam tak in um tau in,” a ti kit a.

VAIHAWMTE 19:9

Mipa chu a thâikêmnu tawh, a suakpa tawh chia ding ah a kisak phat un, a sungpa chun, “En un, khua thim pai ziang ding ahi tai. Tu’jan giak kit mai un. En un, nisa tum ding ahi tai. Tu’jan chu nuam tak in giak kit phot unla, jing leh vaima tak in tho unla, la In lam uh zuan zaw mai tau in,” a tia.

RUTH 3:6

Tichun, Ruth chu buphual in a chia suk ah, a talpinu’n a hil gual chun a bawl tai.

RUTH 3:8

Jankim vêl in, Boaz chu a dip a phuzok ah, a kihei leh a kengbul in numei khat a la lum ta mai a.