RUTH 2:2 - PATHIAN LEKHABU THIANGTHO (BSI)

² Chun, Moab numei Ruth chun Naomi kiang in, “Lou ah ei vakuan sak inla, kua hitaleh ei lungsiat thei pen pen lou ah bulêp vahawl ing ka,” a tia. Ziaphatchun, Naomi inle, “Chia in, ka chanu,” a ti tai.

RUTH 2:2 ပူးပေါင်းရင်းမြစ်များ

THILSIAM THU 32:6

Chun, thangkote chu Jakob kiang a hung tung kit tau ah, “La u Esau kiang ka vatung un, mi za li hial hun pui in nang hun lamtua dingin a hung ui,” ti a hil tau a.

THIAMPUTE LEKHABU 19:10

Chuleh, la grep ga lêp leh a pul zosia chule la luak khawm lo ding uh ahi; migentheite leh gam dang mite â ding ah la nutsia piak ding uh ahi: Keima hi Lalpa la Pathian uh chu ka hi.

THIAMPUTE LEKHABU 19:16

Zuau gen ah mi lawttua in vak lumlet kin la, la Invêngte manthaina dingle hawl diak kin, Keima hi Lalpa la Pathian ka hi’ngâl a.

THIAMPUTE LEKHABU 19:9

La lou ua bu la ât phat ua leh, a themnên tiang in la lâk thian lo ding uh ahi; a lêpte le la lâk khawm lo ding uh ahi.

THIAMPUTE LEKHABU 23:22

Chun, la gam ua bu la ât phât uh leh, loubân tiang ah la lâk thian lo ding uh ahi; chuleh, bulêpte le la lâk lo ding uh ahi; migentheite leh gam dang mite â ding ah la nutsia piak sek ding uh ahi: Keima hi Lalpa la Pathian uh ka hi, ti’n a gen a.

RUTH 2:3

Tichun, a kuan ta ngei a. Bu-âtte nung lam ah bulêpte chu a la khawm ta’n. Elimelek chanau kinaipi, Boaz lou lam in a hung vâk lut kha tai.

RUTH 2:7

A ma hin, ‘Lungsiat tak in bu âtte nung ah bulêp ei lâk khawmsak in,’ a ti’n; jingkal ah kipat tu’tiang hin a lakhawm in, chomkhat le kichawl kha nai lo ahi,” a tia.

1 SAMUEL 1:18

Hannah chun, “La suak hin la doisakna chu chang ta hen,” ti’n a dawnhuah. Ziaphatchun, a umna lam a zuan ah, a pawsal tawh ne leh dawn in a um tauah; a lungkhamna mêl le a bei tai.