RUTH 1:5 - PATHIAN LEKHABU THIANGTHO (BSI)

⁵ Mahlon tawh Khilion chule a hung thi tau ah; tichun, Naomi chu a chapate ni tawh a pawsal chun a thisan tau.

RUTH 1:5 ပူးပေါင်းရင်းမြစ်များ

ISAI 49:21

Ziaphat chuleh, la lungguk in, “Ziate haw hi kua ei hun hinpiak a hitau em? Kei chu la chate sûn ah cha nei theilo, sal ah pui mang ah um leh, naw mang ah um ka hita’n, a leh, ziate haw hi kua’n a la kaitua ahi tam? Keima ngawn ah nutsia in ka la um ah, ziate haw hi khoi tak ah hung kipan a hiu em?” hun ti ta’n lau.

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

LUKA 7:12

Khawpi kul kotkhak a hun nai phat un, mithi pakhat a hun jawndok ua. Ama chu a nu chapa changkhat neisun ahi’n, a nu chu meithâi ahi; khawpi mipi tam tak inle a hun zui un.

DAN LEKHABU 32:39

Keima, kei bep hi ka hi’n, pathian dang a um puai, ti he tau in. Ka that ah, ka hinsak ah; ka hi’liam ah, ka hi’dam sek; ka khut ah kipat in kuama’n a ladok thei puau hi.

RUTH 1:2

Zia pa min chu Elimelek ahi’n, a ji min chu Naomi ahi; a chapa teni min chu Mahlon leh Khilon a hiu a; amau chu Judah gam ah Beth-lehem khua Ephrath suante a hiu a. Moab gam in a chiau ah, a hung chêng den tau hi.

RUTH 1:4

A mau chun Moab numeite ji’n a nei gêl un; pakhatnu min chu Orpah ahi’n, khatnu min chu Ruth ahi. Kum sawm ding vêl zia gam ah chu a chên nung un,

RUTH 1:6

Moab gam ah a um sung un, Lalpa‘n a mite nêk ding pia’n, a ve thâk dan a het ziakin, Moab gam ah kipat in a mo te ni chu tawh kile’kit dingin a hung kipan tau a.