RUTH 1:16 - PATHIAN LEKHABU THIANGTHO (BSI)

¹⁶ Ahi’n, Ruth in: Nang nusia dingin ei sawl kin la, nangma zui talo ding ah, chia kit dinginle ei sawl diak kin! La chia chiana chia’ng ka tin, la giak giakna giak ing ka tin, la mite chu ka mite hi’ntin uh, chuleh, la Pathian chu ka Pathian hi hen.

RUTH 1:16 ပူးပေါင်းရင်းမြစ်များ

2 SAMUEL 15:21

Himaleh, Ittai chun, lengpa kiang in, “Lalpa hinna leh ka lalpa sâl in ka kitiam ahi, lengpa, ka lalpa chiana taphot ah chun thi’na ding hi’n hinna ding hilehle, la suak hin hun zui ding ka hi,” ti’n a dawnhu a.

SAM 45:10

Aw ka chanu, la bil hun daw in ngai inla, ngaitua tiam in, la mite leh la pa In lam kha hemil ta’n,

THUPILTE 17:17

Gual leh pâi pha chun bangtik lai inle a hepi zing in; suapite hi vang, siat ni phat ni â ding him ah piang a hiu.

ISAI 14:1

Himaleh, Lalpa chun Jakob hun lainat kit intin, Israel chu hun têl kit ta’n a; chuleh, a gam uh tungding kit in a. Chuleh, gam dang mite tawh kizop ta’n tiu in, Jakob Inkuan lak ah hung pang ta’n au.

DANIAL 2:47

Lengpa chun Danial kiang in, “La Pathian chu pathiante zosia Pathian leh, leng zosiate chung ah Lalpa leh thugûk zosia taklangpa chu ahi ngut ngei hi, nang in zia thugûk chu la hun tâklang thei ta mai in!” a tia.

DANIAL 3:29

Ziaziakchun, thupiak ka bawl tai: mitin, namtin leh pautin lak ah kipat Sadrak, Meshak leh Abednego Pathian gensia thugen taphot chu sât tel in um hen la, a In uh le suksiat ding ahi; zia gual ah hukdok thei pathian dang him him a um paw’ngal in,” ti’n a gen tai.

DANIAL 4:37

Tichun, keima Nebukadnezar in van ah Lalpa chu pâk ah, chawihoi in ja’na ka pia tai: “A thilbawlte chu a dik in, a lampite le vaihawmna dik ahi ngal a; chuleh, kisathei tak ah umte chu a hi’niam thei hi,” ka ti tai.

HOSEA 13:4

Ahi’n la, kei chu Aigupta gam ah kipat, Lalpa la Pathian uh ka la hita’n; kei tilo Pathian dang la hepuau in; chuleh, kei ti lo hukdampa dang le a um puai, ti la hiau a.

ZEKARIAH 8:23

Sepai honte Lalpa chun zia gual hin a gen hi: Ziaphat chuleh, chitin leh pautin ah kipat pawsal sawmkhat jel in Judah mi pakhat a puanchual ah man in, “Hun zui ing kau, Pathian in a hun umpi hi ti ka he ngal un hun ti ta’n au,” ti hi.

MATTHAI 8:19

Lekhazikte lak ah pakhat a hung ah, a kiang in, “Hotupa, la chiana taphot in zui ing ka,” a tia.

JOHAN 13:37

Peter chun a kiang in, “Lalpa, bangatia em tu’hi ka hun zui theilo ding? Nangma ziakin ka hinnale pia’ng ka,” a tia

NASEPTE 21:13

Paul chun, “Bang ding ah keima lunggimna ding bep ah zia gual ah chu kap la hiu em? Lalpa Jesu min ziak ah Jerusalem ah kânna bep hilo in, thi le ka huam ahi,” a tia.

1 THESSALONITE 1:9

Amau ngei in, nanghaw’n lei la lop dan uh, milimte ah kipat Pathian lam ah, Pathian hing leh dik tak nasêm ding ah la kihei dan uh chu a gen tau hi.

JOSHUA 24:18

tichun, Lalpa‘n I ma lam un nam dang zosia leh a gam ah chêngsa, Amorte zosia a la deldok zo ta’n. Ziaziakchun, Lalpa na bep sêm ding ka hiu, ama chu ka Pathian uh ahi ngâl a,” ti’n a dawnhu tau a.

THUPUAN 14:4

Ziate chu numei lak ah kihi’buaklote a hiu a; kikoi thiangtho zing a hiu hi. Amau chun Belamno chu a chiana lam lam in a zui ua, Pathian leh Belamno â ding ah ga masa pen hiding ah mihing lak ah kipat tatdawte chu a hiu.

RUTH 1:15

Ziaphatchun, Naom chun Ruth kiang in, “En in, la suapinu a chipite leh a pathiante lam zuan in a chia kit tai; ama gual in nang le chia kit mai ta’n,” a tia.

RUTH 1:17

La thi thi na’n thi’ng ka tin, zia chun kivui ing ka. Thi’na lo’ngal in nangma tawh ei khen chun, Lalpa‘n a nop nop ei law mai zaw hen! a ti chak kei tai.

RUTH 2:6

Bu-âtte enkolpa chun, “Zia hi Moab numei Naomi in Moab gam ah kipat a hun pui kha ahi.

RUTH 4:15

Ama hi la hinna tungding leh la têk nung ah enkoltu hung hi hen la; la monu, nangma hepitu, chapa sagi sâng ah nang â dingah phachuam zaw chun, chapa a hing ta’ngal in,” a tiu a.