RUTH 1:15 - PATHIAN LEKHABU THIANGTHO (BSI)

¹⁵ Ziaphatchun, Naom chun Ruth kiang in, “En in, la suapinu a chipite leh a pathiante lam zuan in a chia kit tai; ama gual in nang le chia kit mai ta’n,” a tia.

RUTH 1:15 ပူးပေါင်းရင်းမြစ်များ

2 LENGTE 2:2

Elijah chun Elisha kiang in, “Zia tak hin a la um in; Lalpa chun Bethel lam ah chia dingin ei sawl ahi,” a tia. Himaleh Elisha chun, “Lalpa a hin zing ziakin leh, nang ngei le la hin zing ziakin, hun nusia lo hial ding ka hi,” a tia. Tichun, Bethel ah a chia suk tau a.

SAM 125:5

A lampi kawi ua chiapette vang, Lalpa‘n thil phalo bawlte chu tawh gawt khawm ta’n a. Israelte chung ah thamuanna um ta hen!

SAM 36:3

A kam ua thupawtte chu gitlona leh, thepna thu ngen a hisek in; chingthei tak leh pha tak ah bawl a haisan tau hi.

ZEPHANIAH 1:6

Lalpa zuina pat kinungheite Lalpa hawl talo ah, ama kansui talote zosia chu, sumangthai ding ka hi.

KISIMNA LEKHABU 10:30

Ahi’n la, ama chun, “Hung pang pua’ng ka tin, ka chipite kiang ah ka gam lam un kile’kit ding ka hi,” ti’n a dawnhu tai.

LUKA 24:28

A chiana ding uh khua chu a nai phatin, ama chu gamla deu ah chia gaw gual tak in a hun makhel a.

HEBRAITE 10:38

Himaleh la midik chu ginna’n hing in a. A kinungle kitte chung in vang, ka thagau lungdam pua’n a”. A tia.

JOSHUA 24:15

Tu’hin Lalpa nasep ding chu nuam lo la hiu leh, tu’ni ma ma hin kua pen na sêm ding la hiu em, la pu leh pateu in Luipi gâl lam ah pathiante na a la sep piak uh kha ahi em; ahiloleh, la luanau gam ah Amorte pathiante a hizaw diam, ti têl ngâl un. Kei leh ka Inkuante’n vang Lalpa na bep sêm ing kau, ti’n a dawnhu a.

JOSHUA 24:19

Himaleh, Joshua’n mipite kiang in, “Lalpa na chu sêm thei pua’n lau, ama chu Pathian thiangtho ahi ngâl a. Ama chu Pathian thikthusia ahi’n, la bawsiatnau leh la gitlonateu chu ngaidam pua’n a.

1 JOHAN 2:19

Amau chu I pawl ua kipat a pawtdok tau a; himaleh, I pawl ua pang ahi puau hi; I pawl ua mi hileu chu I lak un um zing ding ahi ngal un. Himaleh, I pawl ua mi a hi’lo dan uh kichetna dingin a pawtdok tau hi.

VAIHAWMTE 11:24

La pathian uh Khemosh in a hun piakna tiang tiang chu la lua mai ding hilo a hem? Chun, kei unle Lalpa, ka Pathian un kei uh â ding ah ei zaw piakna tiang tiang chu ka lua mai ding uh hilo a hem?

RUTH 1:14

Tichun, ngai tak in a kap kit tau a, Orpah chun a talpinu a chawp ah; Ruth in vang a tuchak tai.

RUTH 1:16

Ahi’n, Ruth in: Nang nusia dingin ei sawl kin la, nangma zui talo ding ah, chia kit dinginle ei sawl diak kin! La chia chiana chia’ng ka tin, la giak giakna giak ing ka tin, la mite chu ka mite hi’ntin uh, chuleh, la Pathian chu ka Pathian hi hen.